Importi i karburanteve, cigareve, metaleve dhe makinave të përdorura janë furnitorët kryesorё tё të ardhurave doganore për tremujorin e parë të 2016-s. Sipas të dhënave nga Drejtoria e Përgjithshme e Doganave vetëm nga importi i karburanteve u arkëtuan 7.8 miliardë lekë të cilat zunë më shumë se 24 % të totalit të krejt arkëtimeve doganore në këtë periudhë.
Në tremujorin e parë të këtij viti importet e karburanteve u rriten mbi 30 për qind për shkak se rafineria e përpunimit të naftës ARMO ka ndalur prodhimin. Vitin e kaluar nafta e përpunuar nga ARMO llogaritet se zuri 30 për qind të konsumit në tregun vendas porse administratat fiskale hasën në vështirësi për taksimin e i zinxhirit të prodhimit, çka çoi në arkëtime në nivele të ulta të akcizës krahasuar me faktin e 2014.
Të dytat në radhë me rëndësi strategjike për të ardhurat e buxhetit të shtetit, janë zhdoganimet e cigareve. Në tremujorin e parë 2016 vetëm nga importi i cigareve u arkëtuan 4.1 miliardë lekë ose rreth 13 për qind e krejt totalit tё të ardhurave doganore.
Në muajt e parë të vitit 2015 importet e cigareve ishin të ulta pasi importuesit për tё shmangur pagesën e akcizës së rritur importuan sasi të mëdha në muajt e fundit të vitit 2014 para se të hynte në fuqi paketa fiskale. Pezullimi i rritjes së akcizës më 2016 uli fenomenin e përqёndrimit të importeve në fund të vitit duke kthyer në normalitet edhe arkëtimet e të ardhurave për buxhetin e shtetit në këtë produkt.
Pas cigareve, metalet, automjetet e përdorura, plastika, ushqimet e përpunuara, energjia elektrike, veshjet, detergjentet dhe frutat –perimet hyjnë në 10 mallrat më të importuar në vend për tre muajt e parë të vitit dhe gjithashtu janë furnizuesit më të mëdhenj të arkës së shtetit në në të ardhura.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
