Ne e dimë se këshillat më të cmueshme mund të vijnë nga burimet më të pazakonta ose në një formë të papritur. Larry Smith është themeluesi i SMITH Magazine dhe Six-Word Memoir® project, i cili u kërkon njerëzve të ndajnë historinë e tyre me vetëm 6 fjalë. Duke e çuar konceptin një hap më tutje, shkrimtari dhe spikeri Smith kohët e fundit ka publikuar librin e tij më të fundit të titulluar The Best Advice in Six Words: Writers Famous and Obscure on Love, Sex, Money, Friendship, Family, Work, and Much More, i cili sjell pikëpamje nga liderat e teknologjisë, të biznesit, argëtimit, politikës dhe nga ata që duan të ndajnë motot goditëse të jetës së tyre. Smith është i martuar me Piper Kerman, historia e së cilës frymëzoi serialin Orange is the New Black të Netflix.
“Historitë e mira i mundin gjithmonë spreadsheet*.
Chris Sacca
Chris Sacca është një sipërmarrës, këshillues startupesh dhe investitor. Fondi i tij, Lowercase Capital ka investuar në emra të mëdhenj si Kickstarter, Twitter dhe Uber. Para lançimit të fondit, ai ka punuar si avokat, si këshillues i telekomunikacioneve, mediave dhe teknologjisë për fushatën e vitit 2008 të Presidentit Obama dhe ka qenë Drejtori i Inicicativave Speciale të Google.
“Njerëzit vijnë të parët, pastaj paratë, pastaj gjërat.”
Suze Orman
Suze Orman është një eksperte e financave personale, dhe fituese e çmimit Emmy për programin e saj në CNBC, Suze Orman Show, një autore bestseller e New York Times dhe një folëse motivuese. Para suksesit të saj me ndarjen e këndvështrimeve rreth menaxhimit të parave, Orman e filloi karrierën e saj si kamariere, më pas si një ekzekutive llogaritare te Merril Lynch, pas kësaj si zëvendës presidente te Prudential Bache Securities dhe më vonë si themeluese e Suze Orman Financial Group.
“Veproni, mos ëndërroni.”
Shonda Rhimes
Shonda Rhimes është një shkrimtare dhe autore e Year of Yes. Rhimes është krijuesja e Grey’s Anatomy dhe Scandal dhe kompania e saj e prodhimit Shondaland aktualisht transmeton 3 shfaqje, duke përfshirë edhe How to Get Away With Murder, që i shtohet Grey’s Anatomy dhe Scandal. Kompania ka edhe seriale të tjera në zhvillim e sipër.
“Ndaj historinë tënde, ndrysho botën.”
George Takei
George Takei është një aktor, drejtor, autor dhe aktivist i LGBT. I njohur për rolet e tij të ndryshëm, përfshirë Hikaru Sulu në origjinalen Star Trek, performuesi simpatik për audiencën është momentalisht duke performuar në Allegiance, një mjuzikëll i Broadway bazuar në eksperiencat e tij dhe të familjes së tij në një kamp japonez internimi gjatë Luftës së Dytë Botërore. Takei ka qenë subjekt i një dokumentari, To Be Takei, dhe ka 1.77 milionë ndjekës në Twitter.
“Ti: mesatare e 5 miqve më të ngushtë.”
Tim Ferriss
Tim Ferriss është një bloger, autor bestseller i New York Times, spiker dhe investitor, i cili ka mbështetur kompani si Facebook, Twitter dhe TaskRabbit dhe ka këshilluar të tjerë si Uber dhe Evernote. Ferris është autor i populloreve “The 4-Hour Workweek,” “The 4-Hour Chef,” and “The 4-Hour Body.”
“Besojini vetes suaj, jepini trajtë vetes.”
Sara Blakely
Sara Blakely është themeluesja miliardere e Spanx, perandorisë 15 vjeçare të veshjeve të brendshme për dhënien formë të linjave të femrave e bazuar në Atlanta. Blakely, e cila nuk kishte ndonjë eksperiencë të mëparshme në fushën e tregtisë para se të lançonte kompaninë e saj me 5,000$, dështoi LSAT (Law School Admission Council), duke punuar si Chipmunk (ketër) në Disney World dhe duke shkuar derë më derë për të shitur pajisje faksi. Një “votë konfidence” e Oprah Winfrey për të e bëri që të arrijë suksesin në modë.
“Hidhu nga kodrat. Vendos kapelë, buzëkuq.”
Tiffany Shlain
Tiffany Shlain është një spikere, autore, prodhuese e filamve që kanë fituaçmime de themeluese e Webby Awards. Ajo ka lançuar një film në studio të quajtur Moxie Institute dhe një film jo-fitimprurës të quajtur Let it Ripple: Mobile Films for Global Change.
*spreadsheet-faqe pune si Excel
/Shkruar nga Nina Zipkin, reportere e stafit të Entrepreneur. Publikuar në Entrepreneur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
