Gjatë muajit Korrik, Facebook deklaroi se ishte duke punuar për shtimin e një opsioni në faqet e bizneseve i cili do të lejonte realizimin e blerjeve.
Tashmë pas marrëveshjes me platformën e-commerce Shopify, blerjet në Facebook janë bërë realitet. I njohur ndryshe si Dyqani (The Shop), ai i lejon tregëtarët të shfaqin produktet e tyre direkt në profilin përkatës. Për më tepër tregtarët mund të zgjedhin në rast se klientët mund të realizojnë blerjen e produkteve direkt në faqen e tyre në Facebook, apo nëse ato duhet të ridrejtohen në dyqanin apo aplikacionin përkatës.
Proçesi i pagesave kontrollohet nga Shopify dhe jo nga Facebook, në këtë mënyrë blerësit nuk duhet të shqetësohen për ruajtjen e të dhënave të kartave të kreditit pa lejen e tyre. Megjithatë ekziston një mënyrë për ruajtjen e tyre për realizimin e blerjeve në të ardhmen për çdo kënd që dëshiron.
Kjo veçori e re është ende në fazë testimi dhe mund të shikohet vetëm nga një pjesë e përdoruesve, por pas disa javësh ajo do të bëhet e disponueshme për çdokënd.
Burimi: pcworld.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
