Punonjësit në të gjithë vendin po i përshtaten këtij stili të ri të punës. Qëllimi i kësaj nisme është që të rritet efektshmëria dhe të krijohet sa më shumë kohë e lirë për jetën private të punëtorëve.
Kompania Toyata në Gothenburg, qyteti i dytë më i madh i Suedisë, ka 13 vjet që e ka bërë këtë lëvizje. Toyota raporton se stafi është më i lumtur, të ardhurat janë rritur dhe numri i largimeve nga puna është ulur.
Një tjetër kompani e zhvillimit të aplikacioneve, Filimundus, ka përqafuar 6 orarëshin e punës. Drejtori ekzekutiv i Filimundus tregon se 8 orarëshi i punës nuk është aq produktiv sa njerëzit mendojnë.
Të rrish i përqëndruar për 8 orë rresht duke kryer një punë është një sfide e madhe. Në të njëjtën kohë, njerëzit e kanë të vështirë të menaxhojnë jetën e tyre private pas një dite të lodhshme.
Kompanitë që kanë pranuar të zbatojnë këtë metodë të re pune kanë marrë disa masa. Anëtarëve të stafit nuk ju lejohet të përdorin median sociale, takimet nuk zgjasin shumë dhe hutimet e tjera gjatë ditës duhen eliminuar. Qëllimi është që stafi të jetë sa më i motivuar për të punuar intensivisht në zyrë.
Dëshira e kompanive është që punonjësit të përqëndrohen më shumë për punën që bëjnë dhe të kenë energji të mjaftueshme pasi të lënë zyrat e punës.
Sipas të dhënave të qeverisë Suedeze, doktorët dhe infermierët e spitaleve të vendit kanë kaluar në një ditë pune 6 orarëshe.
Dita e punës 6 orarëshe është në fazën e parë të zbatimit. Fundi i vitit 2016 do të jetë i rëndësishëm për të vendosur nëse kjo metodë është e frytshme apo jo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
