Më 2 Prill, Think Big sjell një episod të veçantë me kompaninë Lufra, një rrëfim autentik mbi ndërtimin e një prej kompanive më të rëndësishme të industrisë ushqimore në Shqipëri!
Historia e Lufra-s nis në vitet ’90, në kushte shumë modeste, si një punishte e improvizuar në një dhomë shtëpie, me kapacitete minimale prodhimi. Nga ato fillime të thjeshta, përmes përkushtimit, vizionit dhe punës së vazhdueshme, kompania u rrit gradualisht, fillimisht në një baxho të vogël dhe më pas në një industri të mirëfilltë që sot operon me standarde moderne dhe teknologji të avancuar.
Në këtë episod, Luis Ndreka, CEO i kompanisë, ndan nga afër sfidat, vendimet kyçe dhe momentet që kanë shënuar këtë rrugëtim 34-vjeçar, duke treguar se si një ide e thjeshtë mund të transformohet në një histori suksesi të qëndrueshme.
Përtej intervistës, episodi sjell edhe një tur ekskluziv brenda fabrikës moderne të Lufra, ku zbulojmë nga afër proceset e prodhimit, përdorimin e teknologjive bashkëkohore dhe standardet e larta të sigurisë ushqimore që garantojnë cilësinë e produkteve.
Një episod që shkon përtej një historie biznesi, duke sjellë një shembull konkret të rritjes, inovacionit dhe besimit të ndërtuar ndër vite.
2 prill, ora 20:00, në kanalin zyrtar të YouTube të Businessmag.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
