Ruth Porat, presidentja dhe drejtoresha kryesore e investimeve në Google, ka një karrierë që çdo profesionist do të donte ta ndiqte. Por suksesi i saj nuk është rastësi, ai buron nga një zakon i thjeshtë që ajo e përdor çdo ditë: t’i pyesë vetes një pyetje të vetme, por vendimtare.
Lexo gjithashtu: Në Ballkanin Perëndimor, gratë janë të punësuara gati 20% më pak se burrat, ndërsa hendeku në paga vazhdon të ekzistojë
“Unë gjithmonë pyesja veten: ‘Cili është përdorimi im më i lartë dhe më i mirë?’” tha Porat në një intervistë me The Wall Street Journal. Ky reflektim e ndihmoi të identifikonte mundësitë që të tjerët shpesh i humbnin, duke e çuar atë në pozicione që shndërruan karrierën e saj, përfshirë menaxhimin e institucioneve financiare para krizës së vitit 2008, një vendim që hapi dyer të papritura.
Porat thekson se punonjësit yje dallohen nga të tjerët sepse sfidojnë drejtuesit në mënyra të ndryshe dhe kontribuojnë me ide të thella, jo thjesht duke përpunuar informacionin ekzistues. Sipas saj, aftësia për të parë gjërat nga këndvështrimi i drejtuesit dhe për të ngritur nivelin e diskutimeve është ajo që e vendos një profesionist në klasë të veçantë.
Në një botë pune gjithnjë e më dinamike, ku AI dhe teknologjitë e reja ndryshojnë rregullat e lojës, Porat dhe liderë të tjerë si Mark Cuban dhe Matt Garman tregojnë se fleksibiliteti, guximi dhe aftësia për të marrë rreziqe të menduara janë çelësi i suksesit.
Mesazhi i saj është i thjeshtë, pyetja e duhur ndaj vetes mund të kthejë çdo mundësi në një hap drejt karrierës që keni ëndërruar gjithmonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
