Në fund të vitit 2024, banorët e Stokholmit morën një mënyrë novatore për të kaluar kryeqytetin suedez: një traget elektrik “fluturues”. Pak më shumë se një vit më vonë, projekti është shpallur një sukses i madh nga Administrata Suedeze e Transportit pas vlerësimit të linjës pilot.
Stokholmi, i ndërtuar mbi 14 ishuj, është natyrshëm i përshtatshëm për transport ujor. Megjithatë, udhëtimet e ngadalta dhe nisjet jo të shpeshta i shtyn shumë banorë të përdorin mbi 50 urat e qytetit. Pavarësisht kësaj, tragetet me naftë përbëjnë gati gjysmën e emetimeve të transportit publik në rajon.
Si funksionon trageti “fluturues”?
P-12 është trageti i parë elektrik hidrofoil me kontroll kompjuterik që hyn në prodhim serial. Foletë prej fibrash karboni nën trupin e anijes krijojnë ngritje ndërsa anija merr shpejtësi, duke e ngritur mbi sipërfaqen e ujit. Kjo ul ndjeshëm rezistencën, lejon shpejtësi më të lartë, udhëtim më komod dhe konsum shumë më të ulët energjie. Sistemi kompjuterik në bord rregullon vazhdimisht këndin e tragetit në kohë reale për të mbajtur stabilitetin.
Ky sistem gjithashtu prodhon valë shumë më të vogla se tragetet konvencionale, duke reduktuar erozionin e brigjeve dhe ndikimin mjedisor. Nga ana tjetër edhe niveli i zhurmës uet ndjeshëm, pasi matjet treguan se trageti është aq i qetë sa një makinë që lëviz me 45 km/orë, pothuajse i padëgjuar nga 25 metra largësi.
Lexo edhe: Live Shopping nuk është thjesht trend! Është mundësia më e mirë për shitjet online
Avantazhet e tragetit hidrofoil
- Udhëtim i shpejtë dhe komod: koha e udhëtimit nga Ekerö në qendër të Stokholmit u ul nga 55 minuta në 30 minuta.
- Emetime minimale: ulje deri në 94% e CO₂ krahasuar me tragetet me naftë.
- Numri i pasagjerëve u rrit 22.5% gjatë periudhës pilot.
- Kosto dhe mirëmbajtje më të ulëta se tragetet konvencionale.
Sipas raportit, zëvendësimi i dy trageteve me naftë me gjashtë P-12 mund të lejojë nisje çdo 15 minuta, rritje të kapacitetit pasagjerëve për 150% dhe përfitime socio-ekonomike prej 12 milion eurosh.
“The Candela P-12 mund të transformojë kanalet urbane,” thotë Gustav Hasselskog, themelues dhe CEO i Candela. “Duke kombinuar shpejtësi të lartë, konsum minimal dhe emetime afër zero, mund të ofrojmë transport ujor më të shpejtë, më të pastër dhe më të përballueshëm për qytete në mbarë botën.”
Qytete si Berlini, Mumbai dhe destinacione në Maldive dhe Tajlandë tashmë kanë njoftuar plane ose porosi për anije të ngjashme përgjatë këtij viti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
