ALUMIL Albania ka marrë pjesë për të tretin vit radhazi në Maratonën e Tiranës, duke u bashkuar me nismën sensibilizuese “Run for DSA” për të mbështetur fëmijët me sindromën Down dhe organizatën Down Syndrome Albania (DSA). Kjo pjesëmarrje është një dëshmi e angazhimit të qëndrueshëm të kompanisë ndaj përgjegjësisë sociale dhe mbështetjes së kauzave që promovojnë përfshirjen dhe diversitetin në shoqëri.
Për ALUMIL Albania, pjesëmarrja në këtë aktivitet është më shumë se një angazhim sportiv, është një mundësi për të shprehur solidaritetin me ata që kanë nevojë për mbështetje dhe për të nënvizuar rëndësinë e barazisë dhe përfshirjes. Përmes pjesëmarrjes aktive të punonjësve të saj në maratonë, kompania synon të dërgojë një mesazh të fortë për bashkimin e sportit me vlerat njerëzore dhe angazhimin për një shoqëri më të barabartë dhe më gjithëpërfshirëse.
Lexo edhe: #RunForDSA – Kur maratona e Tiranës bëhet garë për përfshirje dhe shpresë
Pjesëmarrja e ALUMIL Albania në këtë aktivitet është gjithashtu një pjesë e strategjisë së Përgjegjësisë Sociale Korporative (CSR) të kompanisë, që ka si qëllim mbështetje dhe kontribuim në zhvillimin e qëndrueshëm përmes projekteve që lidhen me komunitetin, sportin, edukimin dhe përfshirjen sociale. Aktivitetet e tilla janë pjesë e përpjekjeve të kompanisë për të krijuar mundësi më të mira për të gjithë, duke promovuar një kulturë të solidaritetit dhe ndihmës ndaj atyre që kanë nevojë.
Në këtë ngjarje të rëndësishme, ALUMIL Albania shprehu mirënjohjen e saj ndaj organizatorëve të Maratonës së Tiranës dhe fondacionit Down Syndrome Albania, për përkushtimin e tyre në promovimin e vlerave të barazisë.
Angazhimi i tyre për të ndihmuar ata që kanë nevojë është një shembull i shkëlqyer i mënyrës se si mund të ndërtojmë një shoqëri më të mirë dhe më të përfshirë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
