Maskat LED për fytyrë të plotë mund të kushtojnë shtrenjtë pasi gjithmonë varet edhe nga marka e maskës. Përdorimi i dritës së kuqe mund të stimulojë prodhimin e kolagjenit dhe qarkullimin e gjakut, dhe madje të zvogëlojë shenjat e plakjes. Por terapia me dritë nuk është një mrekulli për trajtimin e kushteve të tjera të lëkurës.
Terapia me dritë e kuqe u testua për herë të parë në vitet 1960, kur një mjek hungarez, Endre Mester, përdori një lazer me fuqi të ulët mbi lëkurën pa qime të një miu. Ai vuri re një efekt të papritur, drita e kuqe duket se stimulohej rritja e flokëve dhe më vonë shërimi i plagëve. Sot, terapia LED ose “fotobiomodulim” (PBM) përdor dritë të butë me fuqi të ulët brenda spektrit të dukshëm, zakonisht dritë blu, të kuqe ose afër infra të kuqe, për të stimuluar proceset natyrale fiziologjike të trupit.
Drita blu mund të përdoret për trajtimin e aknes dhe reduktimin e inflamacionit. Drita e kuqe dhe infra e kuqe depërtojnë më thellë në qeliza, duke stimuluar prodhimin e molekulave si ATP dhe oksidi nitrik, të rëndësishme për funksionet bazë të trupit. Kjo nxit prodhimin e kolagjenit, përmirëson qarkullimin e gjakut, ndihmon në shërimin e plagëve dhe mund të reduktojë shenjat e plakjes si rrudhat dhe njollat.
Lexo edhe: Sa të sigurta janë rrjetet publike Wi-Fi për të dhënat bankare?
Terapia me dritë është jo-invazive, pa dhimbje dhe relativisht e sigurt. Megjithatë, ekspozimi i gjatë ndaj dritës blu mund të dëmtojë lëkurën, ndërsa ata me alergji nga dielli ose sy shumë të ndjeshëm duhet të jenë të kujdesshëm me dritën e kuqe ose infra të kuqe. Për zgjedhjen e një pajisjeje LED në shtëpi, ekspertët rekomandojnë të kontrollohet intensiteti i dritës dhe të shmangen pajisjet që përdorin shumë ngjyra pa bazë shkencore. Pajisjet me dritë të kuqe, infra të kuqe dhe blu janë ato të provuara dhe efektive.
Terapia me dritë mund të kombinohet me produkte të tjera për kujdesin e lëkurës, si kremrat anti-plakje, por nuk zëvendëson kremrat me SPF ose retinoidet me recetë. Efektet janë të ngadalta dhe kërkojnë durim; për shembull, për lëkurën e shëndetshme, rezultatet mund të shihen pas disa vitesh përdorimi të rregullt. Jo të gjitha produktet LED në treg janë miratuar nga FDA; konsumatoret duhet të kërkojnë 510(k) Clearance, që tregon se pajisja është vlerësuar nga FDA për siguri dhe efektivitet, edhe pse nuk është testuar plotësisht.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
