Shqipëria, e maleve që përqafojnë detin dhe e qyteteve që janë dëshmi e gjallë e historisë, ka vite që e ka shpallur turizmin si flamurin e saj kombëtar. Shifrat kanë folur, euforia ka shpërthyer, mediat botërore na kanë quajtur “perlën e re të Mesdheut”. Dhe vërtetë, Tirana gumëzhin çdo ditë, Berati e Gjirokastra ngjiten me krenari në listat e UNESCO-s, Vlora mbushet me jetë. Por vera e vitit 2025, ajo që duhej të ishte kurorëzim i gjithë këtyre përpjekjeve, solli një dush të ftohtë: plazhet tona, krenaria jonë, mbetën nën pritshmëri.
Business Magazine bisedoi me gazetarin e njohur Blendi Fevziu, i cili së fundmi është shndërruar në një referencë të rëndësishme kur flitet për turizmin si dhe eksperten Albiona Muçoimaj, për të kuptuar më mirë situatën dhe mësimet e këtij sezoni.
“Problemi i këtij viti kanë qenë plazhet”
Fevziu e nis prerë:
“Problemi i këtij viti kanë qenë plazhet. Tirana është pothuajse gjithmonë fully booked, Gjirokastra, Berati, Vlora, po ashtu. Por plazhet, si në veri ashtu edhe në jug, kanë qenë nën pritshmëri. Pronaret e strukturave turistike janë të shqetësuar dhe me të drejtë.”
Sipas tij, çmimi është fjala kyçe:
“Problemi kryesor i turizmit në Shqipëri janë çmimet, çmimet, çmimet. Nuk paragjykoj askënd se sa çmim vendos për shezlongun apo dhomën, por me çmimet që ka Shqipëria, shërbimi nuk i justifikon.”
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
