Nga Eni Muça – Fjalitë “Mos e humb”, “Vetëm sot” apo “Stok i kufizuar” nuk janë thjesht slogane të zakonshme të marketingut. Ato janë shembuj konkretë të përdorimit të urgjencës, një teknikë që i shtyn konsumatorët të marrin vendime të menjëhershme, shpesh pa menduar gjatë.
Në shikim të parë, mund të duket si një truk i thjeshtë marketimi. Por në fakt, është një mekanizëm i thellë psikologjik, i studiuar prej dekadash dhe i testuar nga gjigantët globalë të e-commerce. Për BusinessMag, këtë fenomen e shpjegojnë dy eksperte: Jori Vila, sipërmarrëse dhe themeluese e agjencisë OZ Marketing, dhe Ana Kekezi, lektore dhe konsulente biznesi në fushën e marketingut digjital.
Urgjenca si mjet psikologjik
Jori Vila e përshkruan urgjencën si një “presion të butë” që kanalizon emocionet e konsumatorit drejt veprimit të menjëhershëm: “Në marketing, ‘fuqia e urgjencës’ i referohet krijimit të një presioni kohor ose ndjenjës se diçka duhet bërë tani. Është një teknikë psikologjike që i shtyn njerëzit të marrin vendime më shpejt, duke mos i lënë të shtyjnë blerjen ose regjistrimin për më vonë. Pra, i heq konsumatorit mundësinë të rrijë gjatë në mendime.”
Për ta ilustruar, ajo sjell një eksperiment të njohur të vitit 1975: “Kur pjesëmarrësve iu ofruan biskota në dy kavanoza, ato nga kavanozi ku kishin mbetur vetëm dy u vlerësuan më lart sesa ato nga kavanozi plot. Ishin të njëjtat biskota, por perceptimi i mungesës i bëri të dukeshin më të vlefshme. Ky është mekanizmi që përdorin sot markat: të japin përshtypjen se koha ose sasia është e kufizuar, duke rritur interesin.”
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
