OpenAI ka riorganizuar ekipin Model Behavior, i cili ka qenë përgjegjës për personalitetin e ChatGPT dhe për reduktimin e “sycophancy” kur AI pajtohet verbërisht me përdoruesin. Rreth 14 studiues të këtij grupi do t’i bashkohen ekipit më të madh Post Training, që merret me përmirësimin e modeleve pas trajnimit fillestar.
Udhëheqësja themeluese Joanne Jang po nis një projekt të ri brenda kompanisë, të quajtur OAI Labs, i fokusuar në krijimin e ndërfaqeve të reja për bashkëpunimin me AI.
Lexo edhe: BE gjobit Google me 3.5 miliardë dollarë për “abuzim” në tregun e reklamave online
Ky ndryshim vjen pas kritikave ndaj GPT-5, i cili u perceptua si më “i ftohtë” nga përdoruesit, edhe pse OpenAI tha se kishte reduktuar servilizmin. Kompania është përpjekur të balancojë personalitetin miqësor të chatbot-it me neutralitetin në përgjigje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
