Në zonat e quajtura “blu”, komunitete të njohura për jetëgjatësinë e lartë të banorëve të tyre, mëngjesi është një prioritet thelbësor. Këtë e konfirmon studiuesi i jetëgjatësisë Dan Buettner, i cili ka kaluar vite duke studiuar dhe provuar stile jetese në vende si Okinawa, Japoni dhe Sardenjë, Itali.
“Kemi një shprehje: ‘Mëngjes si mbret, drekë si princ dhe darkë si i varfër’,” thotë Buettner për CNBC Make It. “Në zonat blu, mëngjesi është vakti më i bollshëm i ditës, ndërsa drekat dhe darkat bëhen gjithnjë e më të lehta, me darkën që konsumohet herët dhe më pas nuk hahet më deri në mëngjesin tjetër.” Por mëngjeset e njerëzve në këto zona nuk ngjajnë fare me ato që konsumohen zakonisht në SHBA apo në vende perëndimore, thekson ai. “Njerëzit duhet të shmangin atë që u paraqitet si ‘mëngjes klasik’ në Amerikë, si p.sh. ëmbëlsirat e gatshme, drithërat me sheqer, kosrat me fruta apo granolat e mbushura me ëmbëlsues,” thotë Buettner.
Lexo edhe:Dasma e shumëpritur e Jeff Bezos dhe Lauren Sánchez pritet të jetë super gjigante
Në vend të kësaj, ai sugjeron të frymëzohemi nga zakonet e mëngjesit të zonave blu dhe të konsumojmë një mëngjes të ngopur, ushqyes dhe të shëndetshëm.
6 ushqimet që konsumojnë mëngjes banorët më jetëgjatë të botës:
-
Fasulet
-
Perimet
-
Orizi
-
Frutat
-
Miso
-
Tërshëra
“Shpesh e nis ditën me një supë minestrone të pasur me perime dhe bishtajore,” thotë Buettner. “I sfidoj të gjithë ata që po lexojnë këtë ta provojnë: konsumoni për një javë mëngjes me supë minestrone apo me oriz dhe fasule, dhe shikoni si do ndiheni.” Për Buettner, ky stil ushqimi jo vetëm që siguron energji të qëndrueshme, por është edhe një ndër faktorët kyç të jetëgjatësisë dhe mirëqenies afatgjatë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
