Networking nuk është thjesht një mjet për të gjetur punë të re. Ai është një burim zgjidhjesh për problemet e përditshme të biznesit, një mënyrë për të marrë vendime më të mençura dhe për të përballuar sfidat që lidershipi sjell.
Çfarë zbulojnë takimet joformale mes liderëve:
-Takimet më të vlefshme ndodhin jashtë skenës, në bisedat e sinqerta gjatë shëtitjeve apo pranë tavolinave të darkës.
-Në këto ambiente krijohet një hapësirë për sinqeritet dhe ndjeshmëri, ku liderët ndajnë frikëra dhe gjejnë mbështetje.
-Një ide e thjeshtë e ndarë në një bisedë mund të bëhet shkëndija e një vendimi madhor, siç ndodhi me një CMO që vendosi të krijojë identitet zanor për markën e tij.
Lexo gjithashtu: Si të vendosni kufij dhe të mbroni qetësinë tuaj kur ndiheni të mbingarkuar
Pse është më shumë se “nice to have”:
-Në kohë të paqarta politike dhe teknologjike, askush nuk mund t’i përballojë sfidat vetëm.
-Më shumë se 70% e CEO-ve ndihen të vetmuar në punë, dhe kjo vetmi ndikon negativisht në vendimmarrje dhe kreativitet.
-Krijimi i lidhjeve nuk është i lehtë, kërkon vulnerabilitet, iniciativë dhe punë të vazhdueshme.
Vlera reale e komuniteteve profesionale:
-Vendi për sinqeritet: Larg presionit për të performuar, liderët mund të jenë vetvetja.
-Përvoja të ndara: Bisedat me kolegë që kanë kaluar të njëjtat sfida janë shumë të vlefshme.
-Perspektiva të reja: Bisedat ndër-industriale mund të ofrojnë ide të papritura dhe zgjidhje të reja.
-Forcë në bashkim: Një komunitet i besuar ofron guxim dhe mbështetje në vendime të vështira.
Si të ndërtoni një rrjet me vlerë:
Tregoni kureshtje
Bëni pyetje me vlerë dhe dëgjoni me kujdes.
Thellësi përpara sasisë
Më mirë pesë lidhje të thella sesa 100 sipërfaqësore.
Zgjidhni eventet me kujdes
Investoni kohë aty ku ka vërtet vlerë.
Jepni pa pritur kthim
Jepni ndihmë, këshilla, kontakte, kjo ndërton besim.
Organizoni vetë
Takime, telefonata, ose grupe online, qëndrueshmëria është çelësi.
Jini të hapur dhe të sinqertë
Vetëm kështu ndërtohet besimi i vërtetë.
Thirrje për lidership të përbashkët
Lidershipi nuk është rrugë e vetmuar. Marrëdhëniet më të vlefshme ndërtohen përpara se të ndodhë kriza, jo gjatë saj. Në një botë ku gjithçka po ndryshon me shpejtësi, liderët që bashkëpunojnë dhe ndërtojnë rrjete të forta do të jenë ata që udhëheqin të ardhmen.
Pyetja për çdo lider sot është kjo, a keni një rreth të besuar për t’u kthyer kur gjërat bëhen të vështira?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
