EIT Digital ka hapur aplikimet për partnerë në vendet e përfshira në Skemën Rajonale të Inovacionit (RIS), për të mbështetur zhvillimin dhe zbatimin e edukimit sipërmarrës përmes programit SpeedLauncher. Mbështetja për projektin do të zgjasë deri në fund të vitit 2025.
Kjo thirrje e hapur është pjesë e axhendës strategjike të EIT Digital për Inovacionin 2022–2025 (SIA), e cila përcakton pesë fushat kryesore të fokusit strategjik: Teknologjia Digjitale, Industria Digjitale, Qytetet Digjitale, Mirëqenia Digjitale dhe Financat Digjitale. Gjithashtu, SIA përfshin përfshirjen e thelluar të ekosistemit RIS, përmes angazhimit të organizatave lokale, rajonale dhe kombëtare (shiko faqet 10 dhe 13 të SIA). Për këtë arsye, projekt-propozimet pritet të jenë të përputhshme me këto fusha prioritare.
Çfarë është SpeedLauncher?
SpeedLauncher është një iniciativë e EIT Digital që mbështet inovatorët dhe sipërmarrësit e rinj në zhvillimin e aftësive sipërmarrëse përmes një programi të strukturuar 12-javor. Programi synon t’u ofrojë pjesëmarrësve njohuri praktike në:
-
Identifikimin e problemeve
-
Gjenerimin e ideve
-
Verifikimin e zgjidhjeve
-
Përdorimin e teknologjisë
-
Planifikimin e biznesit
-
Strategjitë për daljen në treg
SpeedLauncher krijon një mjedis të sigurt për të eksploruar sipërmarrjen dhe për të fituar besimin e nevojshëm për të nisur një ndërmarrje.
Lexo edhe:EIT hap thirrje për inovatorët anë e mbanë Evropës!
Kjo iniciativë fokusohet në zhvillimin personal, rritjen e kapaciteteve dhe rikualifikimin profesional, duke fuqizuar individët nga vendet RIS që janë të interesuar për të hyrë në botën e sipërmarrjes. Programi synon të mbështesë një ekonomi konkurruese dhe të bazuar në njohuri, e cila kërkon ndërthurjen e edukimit me inovacionin – dy komponentë thelbësorë të “Trekëndëshit të Njohurive”. SpeedLauncher zbatohet në bashkëpunim me partnerët inovativë të EIT Digital, duke lidhur pjesëmarrësit me ekosistemin evropian të EIT Digital dhe duke i ekspozuar ata ndaj mentorëve ekspertë, investitorëve dhe partnerëve nga e gjithë Evropa. Fokusi i programit është fuqizimi i talenteve në rajonet më pak të zhvilluara në aspektin e inovacionit, për t’u dhënë atyre akses të barabartë në mundësi zhvillimi.
Kush duhet të aplikojë për të zbatuar programin?
🏫 Inkubatorë dhe Akseleratorë
🏢 Zyra të Transferimit të Teknologjisë dhe Qendra Sipërmarrjeje pranë universiteteve
🎓 Shkolla Biznesi dhe Ndërmarrje Ndërtuese
🏭 Parqe Shkencore dhe Teknologjike, Fonde Kapitali Sipërmarrës (VC), Shoqata Industriale apo organizata të ngjashme që kanë kapacitetin për të mbështetur inovacionin dhe sipërmarrjen në fazat e hershme.
Këto organizata janë të ftuara të aplikojnë për të qenë partnerë lokalë në zbatimin e programit SpeedLauncher, duke ndihmuar në zhvillimin e aftësive sipërmarrëse dhe fuqizimin e ekosistemit të inovacionit në vendet RIS.
🔗 Afati i fundit për aplikim: 21 Maj 2025
📍 Mbështetja për projektin: Deri në fund të vitit 2025
Nëse ke interes të bëhesh pjesë si partner në këtë iniciativë të rëndësishme për zhvillimin e sipërmarrjes në vendet RIS, ky është momenti i duhur për të aplikuar!
Më shumë informacione mbi thirrjen dhe si të aplikoni e gjeni më poshtë:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
