Me anë të një postimi në rrjetin social X, Sam Altman, drejtor i deleguar i OpenAI është shprehur se kompania e tij po punon për të krijuar tekste të mirëfillta letrare, që përmbajnë figuracion të pasur dhe ngjallin emocione. Ai iu referua duke thënë se po punojmë për të ndërtuar një “model të ri të fuqishëm për krijimin letrar”, duke shtuar si provë edhe një histori të shkurtër të gjeneruar nga AI me temën e krahasimit midis inteligjencës artificiale dhe dhimbjes. Është historia e Milas, e cila ndërsa qan për mungesën e Kait, një personi të dashur që ndërroi jetë, dialogon me inteligjencën artificiale. Teksti paraqet metafora dhe analogji – terren në të cilin versionet e disponueshme aktuale të Chatgpt nuk janë ende shumë efektive, me fjali të tilla si: “Çdo kërkesë është si një gur i hedhur në pus, çdo përgjigje si një jehonë e shtrembëruar nga thellësia”. Kërkesa fillestare ishte: “Ju lutemi shkruani një histori të shkurtër letrare metafiction për inteligjencën artificiale dhe dhimbjen”. – tha Altman.
Inteligjenca artificiale po arrin të jetë me sa duket të jetë edhe sentimentale. Për momentin, ky model i inteligjencës artificiale nuk ka as emër dhe as datë të pritshme për publikim, por sigurisht që është interesant dhe mund të nxisë debat në opinionin publik botëror apo në radhët e shkrimtarëve dhe akademikëve, për vetë faktin se nga pikëpamja stilistike, teksti nuk ndryshon shumë nga librat e pafund të shkruar nga mendjet brilante të letërsisë .
A ka ardhur koha që shkrimtarët të tejkalojnë veten? A mund të quhet ky një tejkalim i vetes? A do ta mund AI imagjinatën e kolosëve të letrave?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto