Keiretsu Forum Southeast Europe ka kënaqësinë të njoftojë e Keiretsu Forum SEE Investor Pitch Day më të premten, më 20 shtator 2024, nga ora 17:00 deri në 19:30 në Tech Park, Prishtinë, Kosovë.
Keiretsu Forum SEE, rrjeti më i madh privat i investimeve engjëllore në botë me bazë në Shtetet e Bashkuara, fton të gjithë startup-et/ndërmarrësit e hershëm të përkushtuar dhe ambiciozë në Ballkanin Perëndimor që janë në kërkim të kapitalit të plotësojnë aplikimin online nëpërmjet faqes të internetit deri më 19 gusht 2024.
Procesi i aplikimit është shumë selektiv. Pasi aplikimi juaj të pranohet, ju do të keni mundësinë të prezantoni startup-in tuaj përpara anëtarëve dhe të merrni feedback dhe mbështetje për të ndihmuar në rritjen dhe zgjerimin e startup-it tuaj.
Procesi i Përzgjedhjes së Keiretsu Forum SEE
- Të gjitha aplikimet e marra shqyrtohen me kujdes nga një komitet i përzgjedhur i anëtarëve të Keiretsu Forum SEE/ekspertëve të fushës.
- Kompanitë startup të përzgjedhura i nënshtrohen një procesi të shqyrtimit të marrëveshjeve ku çdo ndërmarrës përgatit një prezantim prej 15 minutash (5 min prezantim kryesor + 10 min pyetje-përgjigje).
- Pas çdo prezantimi, anëtarët diskutojnë mbi kompanitë dhe votojnë në mënyrë anonime.
- Kompanitë startup që renditen më lart ftohen të prezantojnë projektin e tyre në Forumin Kryesor të Investitorëve KFSEE më 20 shtator 2024.
- Kompanitë që marrin interes nga investitorët nga ky event hyjnë në një fazë të due diligence me investitorin(ët) e interesuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
