Wizz Air, linja ajrore më e qëndrueshme mjedisore në botë, sot mirëpriti avionin e saj të 132-të, Airbus A321neo, me një dizajn unik, për përvjetorin e saj gjatë një ceremonie dorëzimi në fabrikën Airbus në Hamburg. Avioni i ri me numrin 9H-WNM do të bashkohet me flotën e Wizz Air Malta, e cila shtrihet në gati 200 destinacione. Pamja unike është dizajnuar nga Éva Kerényi, fituesja e konkursit të dizajnit që Wizz Air organizoi vitin e kaluar, duke inkurajuar talentet nga e gjithë bota të krijonin një pamje për një nga avionët e saj Airbus A321neo.
Pamja e re është një dëshmi e angazhimit të linjës ajrore ndaj qëndrueshmërisë, duke festuar ngjyrat e saj ikonike të markës. Dizajni përmban gjethe të ndërlidhura që mbështjellin trupin e avionit në ngjyrat klasike rozë dhe blu të WIZZ-it, me një prekje të gjelbër, duke krijuar një model dinamik që përfaqëson shpirtin e Wizz Air. Ky integrim i ngjyrave dhe imazheve jo vetëm që forcon identitetin e markës së linjës ajrore, por gjithashtu thekson qasjen e saj të ndërgjegjshme ndaj mjedisit, duke bërë një paraqitje të fuqishme në qiell.
Fituesja e konkursit të dizajnit, Éva Kerényi, komentoi: “U frymëzova nga logoja e Wizz Air, e cila e paraqet avionin si vena e gjetheve. Prandaj, mbajta motivin kryesor të gjethes; mendova për linja elegante, të imta, me gjethe gjithnjë në rritje dhe paleta e ngjyrave të nënshkrimit të Wizz Air, rozë dhe blu, që bashkohen. Imagjinova një motiv delikat dhe elegant, me gjethe dhe fije që thuren rreth trupit të avionit, që pasqyron stilin më të dashur për mua, atë bashkëkohor, Art Nouveau.”
Lexo edhe: Shpallen 94 projektet fituese të “Thirrjes Për Masa Mbështetëse 2024”
Wizz Air shënoi 20-vjetorin e saj këtë vit, duke përjetuar rritje të konsiderueshme që nga fluturimi inaugurues më 19 Maj 2004, midis Katovicës, Poloni dhe Londrës, MB. Me një rrjet të gjerë prej 800 itineraresh që shtrihen në gati 200 destinacione në Evropë, Lindjen e Mesme, Azinë Qendrore dhe Afrikë, linja ajrore ka transportuar gati 400 milionë pasagjerë deri më sot.
Duke folur në ceremoninë e dorëzimit, Owain Jones, Shefi i Çështjeve Korporative të Wizz Air, komentoi: “Gjatë 20 viteve të fundit, suksesi i Wizz Air është mbështetur nga strategjia e jashtëzakonshme e flotës. Që nga dita e parë, kemi operuar me avionët më të avancuar të familjes Airbus A320. Bashkëpunimi me Airbus A321neo filloi në 2019 dhe ka nxitur rritjen e Wizz Air, duke e bërë atë linjën ajrore me rritjen më të shpejtë në Evropë dhe lider në industri për sa i përket rikuperimit të kapacitetit pas pandemisë, si dhe me përqindjen më të lartë të fluturimeve midis linjave kryesore ajrore, të kryera në një platformë të teknologjisë së re. Jemi të kënaqur të vazhdojmë partneritetin tonë të frytshëm me Airbus, që na mundëson të arrijmë qëllimin e 500 avionëve në flotën tonë deri në vitin 2030.”
Çelësi i zhvillimit afatgjatë dhe strategjisë së qëndrueshmërisë së Wizz Air është rinovimi i flotës së saj me Airbus A321neo. Ky avion përfshin teknologjitë më të fundit në aviacion dhe ofron përfitime të konsiderueshme mjedisore, me një reduktim prej gati 50% të zhurmës, një reduktim prej 20% të konsumit të karburantit dhe 50% reduktim të emisioneve të oksidit të azotit krahasuar me modelin e mëparshëm. Flota e linjës ajrore ultra-low-cost tani përbëhet nga 220 avionë, mbi 60% e të cilëve janë të pajisur me teknologjinë “neo”.
Yvonne Moynihan, Oficerja e Korporatës dhe ESG e Wizz Air, vuri në dukje: “Jemi jashtëzakonisht të emocionuar të mirëpresim këtë simbol unik të historisë sonë 20-vjeçare dhe arritjeve të qëndrueshmërisë në flotën tonë. Përveç rinovimit të vazhdueshëm të teknologjisë sonë, ne po zbatojmë nisma të shumta që rrisin efikasitetin tonë operativ dhe po investojmë shumë në qëndrueshmërinë e karburantiti në aviacion. Investimi ynë i fundit prej 5 milionë GBP në një prodhues të mundshëm të SAF, Firefly, është pjesë e strategjisë sonë afatmesme për të reduktuar më tej emetimet e CO2. Deri në vitin 2030, synojmë të furnizojmë 10% të fluturimeve tona me karburant të qëndrueshëm aviacioni. Megjithatë, çelësi për arritjen e emetimeve neto zero është bashkëpunimi në industri dhe investimet strategjike në teknologjitë me karbon të ulët, të mbështetura nga qeveritë dhe politikëbërësit me legjislacionin e nevojshëm dhe nxitjet kuptimplota. Ne jemi të përqendruar në bashkimin e forcave me të gjithë partnerët tanë në ekosistemin e aviacionit në rrugën drejt neto zero.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
