Formimi profesional, hapen mundësitë për sipërmarrjet

Qeveria ka lehtësuar kriteret për bizneset që duan të investojnë në ofrimin e kurseve profesionale.

Vendimi i mbledhjes së qeverisë, për “përcaktimin e kritereve dhe procedurave për hapjen, riorganizimin dhe mbylljen e ofruesve publikë të arsimit dhe formimit profesional” parashikon se, nisma për hapjen e këtyre qendrave, përpos institucioneve publike në vend, mund të ndërmerret edhe nga partnerë socialë dhe përfaqësues të komunitetit të biznesit.

Propozimi për hapjen e ofruesit publik të arsimit profesional, shkollë e mesme profesionale, si dhe qendër shumëfunksionale, paraqitet pranë ministrisë përgjegjëse për AFP-në, të paktën, një vit përpara fillimit të vitit shkollor, kur kërkohet ndërtesë e re dhe 3 (tre) muaj kur ka godinë.

Sipas vendimit, ndërtesa dhe mjediset e saj duhet të plotësojnë kushtet për sigurimin e jetës dhe të shëndetit, të përcaktuara nga Ministria e Shëndetësisë dhe Mbrojtjes Sociale; Ndërtesa e shkollës/qendrës, reparteve të praktikës profesionale dhe mjediset e saj plotësojnë standardet, sipas legjislacionit në fuqi; duhet të sigurohen, sipas legjislacionit në fuqi,  furnizim me ujë; ngrohje; furnizim me energji elektrike; Të kenë infrastrukturë didaktike e përshtatshme që plotëson standardet, sipas legjislacionit në fuqi; Standardet që lidhen me kurrikulën mësimore të arsimit dhe formimit profesional dhe standardet e kurrikulës mësimore të arsimit të përgjithshëm, që u ofrohet nxënësve në institucionet publike që ofrojnë arsim të mesëm profesional rregullohen sipas legjislacionit në fuqi, të miratuara nga ministritë përkatëse, sipas fushës së përgjegjësisë shtetërore të tyre.

Lexo: Pse teknologjia nuk po na rrit produktivitetin?

Nëse nuk përmbushin qëllimin për të cilin janë krijuar, nuk sigurojnë ofertë të përshtatshme për kërkesat e tregut të punës, nëse frekuentimi/regjistrimet janë i ulët/të ulëta (në rënie) për tri vite radhazi dhe nuk justifikon mbajtjen e tyre.