Nga Eni Muça
Të gjithë kemi pasur mundësi të shikojmë pranë qendrës se qytetit të Tiranës një autobuz të branduar me Tradita.al. Ishte kurioziteti i cili na shtyu të kontaktonim me themeluesen e saj dhe ta pyesnim më tepër për këtë brand, të cilin e shohin çdo ditë me qindra e mijëra turistë dhe qytetarë vendas.
Tradita.al, e themeluar nga znj.Edlira Sula, krahas realizimit dhe shitjes së veshjeve popullore, synon edukimin dhe ndërgjegjësimin mbi trashëgiminë kulturore dhe folklorike kombëtare në formën e prodhimeve artizanale si, kostume popullore dhe dekore të ndryshme.
Ajo tregon se ka më shumë se 20 vite në këtë biznes, i cili fillimisht nuk ka nisur me idenë e të qenurit biznes, por thjesht një dëshirë e saj për t’u marrë me veshjen tradicionale shqiptare.
Ajo shprehet se, njëkohësisht merrej edhe me një biznes shitblerjeje, por duke e ditur që vlera e prodhimit do të rritej më shumë, u përqëndrua tek kjo fushë. Sula shton se ka luftuar gjithmonë për ndërgjegjësimin e masave për të kuptuar vërtet rëndësinë e madhe të tradicionales. “Biznesin tim e kam parë gjithmonë si një tunel shumë të gjatë, por, drita që do të shihja në fund të tij nuk do të shuhej asnjëherë”, – thekson ajo.
Artikulli u publikua më parë në faqen 26 të numrit 32 të revistës Business Magazine Albania. Business Magazine Albania është revista e parë digjitale me përmbajtje origjinale në shqip të orientuar nga fusha e biznesit. Ju mund Abonoheni dhe të Shfletoni Këtu nr. 32 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto