Ameca përshkruhet si roboti humanoid më i avancuar në botë dhe tani ka një aftësi tjetër.
Këtë javë, zhvilluesit e Ameca-s kanë publikuar një video të re që tregon aftësitë gjuhësore të robotit të tyre të avancuar. Në video, Ameca pyetet për gjuhët që flet.
Lexo edhe: Elon Musk shfaq robotin humanoid të quajtur Optimus
Me këtë rast, ajo përgjigjet duke thënë se mund të flasë ‘shumë gjuhë’, përpara se të demonstrojë njohuritë e saj në japonisht, gjermanisht, kinezisht dhe frëngjisht, si dhe dy thekse të gjuhës angleze, atë britanik dhe amerikan.
Ameca ishte një ide e startupit me bazë në Cornëall, Engineered Arts, të cilët e përshkruajnë atë si ‘robotin më të avancuar në botë’.
Përpos aftësisë së fundit, roboti mund të ndërveprojë biseda ngjashëm me njeriun së bashku me mimikat e fytyrës. / Daily Mail
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
