Ju mund të keni të drejtë për një pjesë të një pagese prej 725 milionë dollarësh që Meta pranoi të paguante në një padi grupore.
Kështu shkruajnë mediat e huaja, sipas të cilave, përdoruesit e kualifikuar mund të jenë ata që kishin përdorur një llogari në Facebook në SHBA që nga 24 maj i vitit 2007 deri më 22 dhjetor të vitit 2022 – dhe këta individë duhet të paraqesin një kërkesë KËTU deri më 25 gusht 2023.
Sipas tyre,padia, në të cilën Meta nuk pranoi asnjë keqbërje, pretendon se platforma e mediave sociale “ofroi” të dhëna të përdoruesve dhe të dhëna për miqtë e përdoruesve pa leje në dispozicion të palëve të treta.
Kjo lidhet edhe me skandalin e Cambridge Analytica të vitit 2018, i cili pretendonte se kompania kishte keqpërdorur të dhënat nga dhjetëra miliona llogari në Facebook duke lejuar qasjen nga palët e treta.
Lexo:Inteligjenca artificiale, ligjvënësit e BE-së kërkojnë samit për kontrollin e saj
“Facebook dyshohet se ka ditur për mbledhjen e pahijshme të të dhënave të Cambridge Analytica që nga viti 2015 dhe nuk ka ndërmarrë veprime për të ndaluar aktivitetin ose për të njoftuar përdoruesit deri në mars 2018”, citohet të ketë thënë zyra ligjore e Keller Rohrback në faqen e saj të internetit.
Kështu, padia pretendon se “Facebook nuk arriti të mbronte siç duhet përmbajtjen dhe informacionin e përdoruesve nga keqpërdorimi ose qasja e paautorizuar”.
Padia u ngrit në vitin 2019 nga paditësit që pretenduan se Facebook nuk shpërndante vetëm të dhëna bazë, si gjinia dhe mosha, por edhe fotografitë e tyre, videot që ata bënë, videot që shikuan dhe fjalët nga mesazhet e tyre të drejtpërdrejta personale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
