Shefi i Twitter, Elon Musk tha se drejtimi i rrjetit të mediave sociale ka qenë një sfidë dhe pranoi “shumë gabime” gjatë rrugës, gjashtë muaj pasi ai bleu kompaninë për 44 miliardë dollarë.
Në një intervistë të drejtpërdrejtë me BBC-në pasi ra dakord me një ftesë të minutës së fundit për “spontanitetin” e saj, Musk dukej se pranoi në heshtje se një nga ato gabime ishte vendimi për të etiketuar llogarinë e transmetuesit anglez si “media e financuar nga qeveria”.
Ai tha se do të ndryshojë emërtimin që I ka vendosur profilit tw BBC-së në Twitter pasi transmetuesi e kundërshtoi fillimisht.
“Ne e duam atë sa më të vërtetë dhe të saktë që të jetë e mundur – ne po e rregullojmë etiketën në ‘financim publik'”, tha Musk.
Lexo edhe: Twitter e etiketon BBC-në si medium që financohet nga qeveria britanike
Transmetuesi kombëtar britanik financohet kryesisht nga një tarifë vjetore e licencës e vendosur nga qeveria, por e paguar nga familjet individuale.
Grindja e etiketimit pason një polemikë të mëparshme mbi një lëvizje të ngjashme që përfshin rrjetin radiofonik amerikan NPR, të cilin Twitter e quajti shkurtimisht “të lidhur me shtetin”, në të njëjtën mënyrë që etiketon platformat kineze dhe ruse të drejtuara nga qeveria.
NPR ndaloi postimin në Twitter në shenjë proteste. Twitter tani etiketon NPR, e cila ka gati 9 milionë ndjekës, “media të financuara nga qeveria” dhe aplikoi të njëjtin emërtim në llogarinë e BBC-së. / AFP
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
