Komisioni Evropian ka ndaluar përdorimin e “TikTok” nga pajisjet zyrtare për shkak të shqetësimeve në lidhje me sigurinë kibernetike.
“Komisioni Evropian ka, që nga fillimi i mandatit, një fokus shumë të fortë në sigurinë kibernetike, duke mbrojtur kolegët tanë dhe natyrisht të gjithë ata që janë duke punuar këtu në Komision. Dhe kjo është, natyrisht, në këtë drejtim.” – tha Thierry Breton, Komisioneri i BE-së.
Ky vendim u kritikua ashpër nga kompania, në përballjen e saj të fundit me qeveritë perëndimore mbi mënyrën e trajtimit të të dhënave të përdoruesve. Stafi i Komisionit ka afat deri më 15 mars për të fshirë aplikacionin nga pajisjet e punës, çdo pajisje personale dhe shërbimet e Komisionit.
Me seli në Bruksel, Komisioni Evropian është krahu ekzekutiv i Bashkimit Evropian, përgjegjës për propozimin dhe zbatimin e legjislacionit dhe zbatimin e buxhetit të BE-së.
Lexo edhe: Anketa/ Ky rrjet social është “grabitqari” më i madh i të dhënave personale
“Kjo masë synon të mbrojë Komisionin kundër kërcënimeve dhe veprimeve të sigurisë kibernetike që mund të shfrytëzohen për sulme kibernetike kundër mjedisit korporativ të Komisionit”, tha Komisioni në një deklaratë.
Masa parashikon presion të mëtejshëm mbi TikTok, tashmë i ndaluar nga pajisjet e qeverisë federale të SHBA-së dhe nga pajisjet zyrtare në disa shtete amerikane për shkak të frikës se të dhënat e përdoruesit të aplikacionit mund të përfundojnë në duart e qeverisë kineze.
SHBA-ja ka bërë çmos për të ndaluar aplikacionin më popullor të momentit në pajisjet qeveritare, duke pezulluar përdorimin në më shumë se gjysmën e qeverive shtetërore dhe në instirutcione të tjera shtetërore.
Pak kohë më parë presidentit Joe Biden paraqiti një projekt-ligj financimi qeveritar, i cili përfshinte ndalimin e TikTok për pajisjet e qeverisë./ BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
