Një Bibël 400-vjeçare, u dërgua në “New World, dhe do të vendoset në ankand në Belfast. Kopja e Biblës së Gjenevës vlerësohet midis 5,000 dhe 10,000 £ nga Bloomfield Auctions.Ajo u shtyp në 1615 dhe u dërgua në Shtetet e Bashkuara në vitin 1633 nga Elizabeth Pole.Bibla e Gjenevës ishte Bibla e parë e shtypur mekanikisht, e disponueshme për publikun.Ajo u botua për herë të parë në 1560, gjysmë shekulli para Biblës së Mbretit James. Bibla ishte në pronësi të Elizabeth Pole, e cila udhëtoi me vëllain e saj në Speedwell për në Koloninë e Plymouth.
Me origjinë nga Devon, ajo themeloi qytetin e Taunton në Massachusetts dhe besohet të jetë gruaja e parë që themeloi një qytet në Amerikën e Veriut.
Kopja u printua nga Robert Baker, printer i Elizabeth I dhe James I dhe VI.
Drejtori menaxhues i Bloomfield Auctions, Karl Bennett tha se ai priste interes në mbarë botën për të për shkak të rëndësisë historike dhe lidhjes së saj me SHBA-në moderne.
Bibla iu dorëzua babait të Elizabeth, Sir William Pole, nga Kryepeshkopi i Canterbury-t në njohje të shërbimeve të tij ndaj Kishës dhe të varfërve të Devonit.
Kur Elizabeth vdiq, Bibla u kthye familjes së saj në Devon dhe mbeti në zotërim të familjes Pole-Carew deri në mesin e shekullit të 20-të, kur iu shit një koleksionisti nga Irlanda e Veriut.
Artikuj të tjerë në ankand përfshijnë një bojëra uji të vitit 1853 dhe një pikturë vaji të vitit 1895, të dyja nga artisti viktorian Thomas Sidney Cooper. bbc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
