Ministrja e Bujqësisë dhe Zhvillimit Rural, Frida Krifca deklaroi sot se qeveria ka rritur Skemën Kombëtare të Mbështetjes në Bujqësi në Aktin Normativ për këtë vit edhe me 200 milionë lekë shtesë.
Në një video-mesazh publikuar në rrjetet sociale, Krifca shprehet se me këtë fond mbështesim edhe 1 mijë blegtorë të tjerë duke e çuar numrin e përfituesve vetëm në blegtori në 5 700 blegtorë anembanë vendit për rreth 800 mijë krerë të imta dhe rreth 50 mijë krerë gjedh të mbështetur.
Ministrja shprehet se më këtë mbështetje financiare ulim kostot e tyre të prodhimit për tregjet duke siguruar prodhim vendi për qytetarët tanë për produktet e qumështit apo të mishit.
“Shkojmë në nivelin historik më të lartë të mbështetjes të ofruar ndonjë herë në mbështetje të drejtëpërdrejtë me 5.1 miliardë lekë pa përfshirë këtu investimet IPARD të kryera gjatë këtij viti dhe që vazhdojnë të kryhen duke prekur drejtëpërdrejtë rreth 47 mijë fermerë”, thekson ministrja.
Gjithashtu, Krifca shton se “po ecim me shpejtësi që t’i paguajmë të gjithë fermerët, blegtorët dhe peshkatarët përfitues të masave të mbështetjes brenda dhjetorit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
