Banka Qendrore Evropiane rriti sërish normat e interesit të enjten dhe njoftoi se po ndryshonte kushtet e kredive të lira për bankat tregtare një përpjekje kjo, për të tkurrur bilancin e saj dhe për të luftuar një rritje historike të inflacionit.
E shqetësuar se rritja e shpejtë e çmimeve po rrënjoset, BQE-ja po rrit kostot e huamarrjes me ritmin më të shpejtë në histori. Si rezultat Hipotekat, kreditë për makina dhe kartat e kreditit do të bëhen më të shtrenjta .
Banka qendrore për 19 vendet që përdorin euron rriti normën e saj të depozitave me 75 pikë bazë të tjera në 1.5% – norma më e lartë që nga viti 2009.
Lexo edhe: Banka Europiane rrit sërish normën e interesit. Frikë nga recesioni
“Këshilli Drejtues mori vendimin e sotëm dhe pret të rrisë më tej normat e interesit, për të siguruar kthimin në kohë të inflacionit në objektivin e tij afatmesëm prej 2%,” tha BQE në një deklaratë.
Presidentja Christine Lagarde vuri në dukje se lufta në Ukrainë dhe pasiguritë e tjera globale bënë që ekonomia e eurozonës të përballej me një sërë rreziqesh ndaj dhe pasojat e inflacionit u zmadhuan.
Ajo shtoi se aktiviteti ekonomik në eurozonë ka të ngjarë të ngadalësohet ndjeshëm deri në fillimin e vitit të ardhshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
