Ndonjëherë lëvizja jashtë vendit kërkon guxim dhe shumë kompromise. Por, po sikur të ekzistonte një vend që t’ju ofronte para për të lëvizur dhe jetuar përfundimisht atje? Kjo ëndërr mund të bëhet realitet, nëse plotësoni disa prej kushteve që këto vende kërkojnë tek banorët e tyre më të rinj. Më poshtë keni shembujt e 9 vendeve në mbarë botën që do t’ju paguanin për të lëvizur atje.
1 – Antikythera, Greqi
Ishulli grek Antikythera ka më pak se 50 banorë dhe Kisha Ortodokse greke do t’ju paguajë për t’u zhvendosur atje. Do të merrni një shtëpi dhe një copë tokë, si dhe 500 € (rreth 590 dollarë) në muaj për tre vitet e para. Ju mund të mos keni një bollëk dyqanesh në ishull, por është perfekt për ata që e duan vetminë dhe vetë-mjaftueshmërinë! Jeta në një qytet të vogël nuk është aq e keqe kur është në një ishull në mes të Mesdheut. Nëse dëshironi të jetoni në një vend me një histori dhe kulturë të pasur, Greqia është vendi i duhur. Në ishullin Antikythera, do të përjetoni paqen dhe qetësinë e tij, si dhe plazhet mahnitëse.
2 – Candela, Itali
Candela është shtëpia e rreth 2,700 njerëzve dhe kryetari i bashkisë ofron mes 800 € dhe 2,000 € për beqarët dhe familjet që duan të lëvizin atje. E vetmja gjë është se ju duhet të jetoni atje me kohë të plotë, të merrni me qira një shtëpi dhe të keni një punë që fiton të paktën 7,500 € në vit. Candela është vetëm dy orë nga Napoli dhe një orë nga plazhi, kështu që ju keni gjithçka që mund të dëshironi afër shtëpisë tuaj të re në këtë qytet të vogël. Dhe nëse jeni adhurues i ushqimit italian, bëhuni gati të sepse këtu do të gjeni një prej kuzhinave më të larmishme në të gjithë Italinë! Filloni të shikoni për një vizë pune njëvjeçare ose provoni të filloni një biznes të ri, pasi të jeni vendosur atje dhe një jetë e re në Itali mund të jetë fati juaj!
3 – Danimarka
Danimarka i do sipërmarrësit dhe inkurajon bizneset fillestare të zhvendosen atje. Ata nuk janë domosdoshmërish një vend që do t’ju paguajë për të lëvizur atje, por zhvendosja atje ju jep akses në sistemet e shkëlqyera të arsimit, shëndetësisë dhe mirëqenies daneze. Edhe nëse jeni investitor, lëvizja në Danimarkë nuk është një ide e keqe për stimujt financiarë! Danimarka është një vend kryesisht bregdetar me ujëra të pacënuar dhe terren të sheshtë. Biçikletat janë një mënyrë e zakonshme transporti, e cila është edhe miqësore me mjedisin dhe e ndërgjegjshme për shëndetin. Konsiderohet gjithashtu si një nga vendet më të lumtura në botë, kështu që ia vlen të merret parasysh!
4 – Irlanda
Enterprise Ireland është një program që po tërheq emigrantë nga e gjithë bota. Nëse mendoni se startup-i juaj ka potencial, paraqisni një aplikim. Nëse miratohet dhe zhvendoseni në Irlandë, biznesi juaj do të marrë mijëra euro financime dhe akses në Bashkimin Evropian, një nga tregjet më të mëdha në botë! Fshatrat irlandeze kanë një pamje spektakolare, dhe njerëzit janë tejet miqësor. Si banor i ri, do të gjeni një kulturë unike dhe bujare në Irlandë që do ta dashuroni menjëherë.
5 – Albinen, Zvicër
Albinen ka një popullsi në rënie, kështu që ata janë të gatshëm t’ju paguajnë $25,000 dollarë për të lëvizur atje. Banorët e rinj kanë mundësinë të aplikojnë dhe të pranohen për këtë grant, së bashku me 10,000 dollarë plus nëse ata kanë fëmijë. Kleçka qëndron se ju duhet të jeni nën moshën 45 vjeç dhe ta bëni këtë qytet vendbanimin tuaj për të paktën 10 vjet. Nëse vetë peizazhi nuk ju lë pa frymë, jeni vetëm një udhëtim të shkurtër nga Gjeneva dhe Cyrihu aty pranë. Me një ekonomi të qëndrueshme dhe akses në Alpet zvicerane, në thelb kjo do të ishte jeta ideale.
6 – Koreja e Jugut, Tajlanda dhe Vietnami
Këto tre vende ofrojnë përfitime të ngjashme dhe synojnë kryesisht banorët europianë dhe të Shteteve të Bashkuara. Në këmbim të lëvizjes në Kore, Tajlandë ose Vietnam, ata do t’ju japin një punë për mësimdhënien e anglishtes dhe kurse të tjera. Procesi është i thjeshtë dhe mjaft i shpejtë, kështu që pasi të keni mbuluar shpenzimet e lëvizjes, mund të niseni për në Azi sa hap e mbyll sytë!
Çdo vend tjetër në botë ofron histori dhe kultura të ndryshme nga vendet perëndimore. Për të mos thënë se ata kanë ushqim tepër të shijshëm dhe një kosto të ulët jetese. Për këto arsye dhe dhjetëra të tjera, shumë njerëz kanë gjetur tashmë një cilësi të shkëlqyer jetese në këto tre vende aziatike.
7 – Fshatrat Ponga të Spanjës
Nëse jeni një çifti të ri që dëshiron të ketë fëmijë, mund të fitoni 3,000 € vetëm duke u zhvendosur në një fshat spanjoll në Ponga dhe duke qëndruar aty për pesë vite. Është një rajon i vogël me më pak se 1.000 banorë, popullsia e të cilit ka vazhduar të bjerë ndër vite. Ju gjithashtu do të mund të merrni një shtesë prej 3,000 € për secilin nga fëmijët tuaj. Përveçse ju paguan për të lëvizur atje, Spanja është një vend i mrekullueshëm për të jetuar. Rajoni i Asturias ka një peizazh të mrekullueshëm, komunitete mikpritëse dhe perspektiva të shumta për punë.
8 – Saskatchewan, Kanada
Programi i asistencës së të diplomuarve në Saskatchewan synon të mbajë të diplomuarit e kolegjit ose universiteteve brenda për brenda provincës, duke ofruar i 20,000 $ kanadezë për të vazhduar universitetin dhe jetuar atje. E vetmja kleçkë është se ju duhet të jeni regjistruara në një nga institucionet e miratuara. Saskatchewan ka disa parqe kombëtare dhe vende historike ku mund të përjetoni të gjitha më të mirat e natyrës. Ajo gjithashtu ka mundësi të mëdha pune, veçanërisht për të profesionistët e diplomuar.
9 – Siçili, Itali
Sambuca di Sicilia është një qytet i vogël në Siçili me rreth 6,000 njerëz që është zvogëluar ndërsa banorët lëvizin në qytete më të mëdha. Për të rritur popullsinë, qyteti po shet shtëpi për vetëm 1 €. Në këmbim, ju duhet të rinovoni shtëpinë e tyre të vjetër brenda tre viteve, e cila ka të ngjarë të kushtojë rreth 15,000 € dhe të siguroni një depozitë sigurie prej 5,000 € që do të kthehet kur të përfundojnë rinovimet. Siçilia është një ëndërr për shumë njerëz në mbarë botën, dhe ju mund ta bëni këtë ëndërr realitet! Siçilia ka ushqim që përkufizohet si me fjalën ‘hyjnore’ dhe që është gjithashtu shumë i shëndetshëm!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
