Në qershor, Evropa regjistroi numrin më të ulët të makinave të reja në treg, që nga viti 1996 me pak më shumë se 1.06 milionë automjete. Prodhuesit e makinave po shohin rënie të shitjeve me gati 50%, sipas të dhënave nga shoqata evropiane automobilistike.
Volkswagen Group ishte prodhuesi i makinave më i goditur me gati një të katërtën më pak shitje se qershorin e kaluar. Gjithsesi, gjatë gjashtëmujorit të parë, Stellantis ka parë rënien më të madhe deri më tani në 21.1%.
Ndër markat më të vogla, prodhimet e reja të Volvo ranë 47.9% në qershor dhe 28.5% gjatë gjysmës së parë të vitit, ndërsa Jaguar Land Group pa një rënie më të vogël në qershor në 13.2%, por goditja më e madhe këtë vit deri më tani me 34.7%.
Lexo edhe: Kriza e karburanteve “dërgon në qiell” çmimet e makinave elektrike
Inflacioni, pengesat e zinxhirit të furnizimit, rastet në rritje të koronavirusit në disa vende dhe mungesa e vazhdueshme e çipave janë vetëm disa nga problemet që mundojnë industrinë e automjeteve në rajon, e cila tani ka regjistruar 12 muaj radhazi rënie.
Prodhuesit e mëdhenj të makinave nga BMW në Stellantis kanë raportuar në javët e fundit rënie të shitjeve globalisht përpara rezultateve të tyre të tremujorit të dytë më vonë këtë muaj.
Të katër tregjet kryesore të Bashkimit Evropian – Spanja, Italia, Gjermania dhe Franca – raportuan një rënie në prodhimet e makinave./ Reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
