Louis Vuitton do të lançojë më shumë NFT dhe dy nivele të tjera të lojës së tij Louis: The Game - Business Magazine Albania

Louis Vuitton do të lançojë më shumë NFT dhe dy nivele të tjera të lojës së tij Louis: The Game

Louis Vuitton

Në gusht 2021, Louis Vuitton , një nga markat e preferuara për adhuruesit e luksit dhe modës së lartë, lançoi Louis: The Game, një lojë që lejon përdoruesit të shoqërojnë një personazh të quajtur Vivienne nëpërmjet një bote virtuale në kërkim të kartolinave ekskluzive të markës që në të vërtetë janë NFT. Duke kërkuar shtrirje dhe përfshirje më të madhe me konsumatorët e rinj, marka ka njoftuar ardhjen e NFT-ve të reja të ngarkuara me informacion rreth 200 vjetorit të markës, si dhe një përditësim të lojës.

Ndryshe nga kompanitë e tjera që thjesht kanë nxjerrë në ankand NFT-të, Louis Vuitton i fton fansat të zgjidhin enigmat në lojë për të fituar të drejtën për të marrë pjesë në një llotari prej dhjetë NFT-sh të ndryshme që shfaqin Vivienne në një larmi pamjesh të ndryshme të markës, dhe se ato do të jenë portative ndërmjet platformave të ndryshme dhe mund të përdoren si imazhe të profilit (diçka të cilës gjeneratat e reja i japin shumë peshë).

Lexoni: Nensi Dojaka, shqiptarja e parë që nominohet për çmimin e Louis Vuitton

Sipas markës, loja, Louis: The Game, është shkarkuar më shumë se 2 milionë herë dhe është e disponueshme për pajisjet Android dhe iOS. Përditësimi i lojës do t’u ofrojë përdoruesve dy nivele të reja që mund të luhen vetëm nga ata që kanë përfunduar nivelin e parë që vjen në versionin e parë të lojës dhe që do të vazhdojnë të jenë të disponueshme për lojtarët e rinj.

Ideja e lojës është të ndihmojë Vivienne të gjejë 16 faqet e një dorëshkrimi me informacione për historinë e themeluesit të markës dhe të brendshmet ikonë që ai filloi të prodhonte në Francë në 1858.

Kartolinat u projektuan nga Wenew Labs dhe Mike Winkelmann, i njohur si Beelpe, dizenjuesi i një NFT që u hodh në ankand nga Christie’s në mars 2021 për 69 milionë dollarë.

Louis Vuitton është pjesë e LVMH, konglomeratit shumëkombësh që zotëron 76 marka dhe po eksperimenton të ketë një prani tërheqëse për produktet e tij në botët dhe metaverset digjitale. Në prill 2021, LVMH njoftoi krijimin e Konsorciumit Aurora Blockchain, një blockchain i krijuar posaçërisht për segmentin luksoz.

/entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0