Kina do të zgjerojë monedhën e saj dixhitale të juanit në më shumë zona nga 11 qytetet dhe rajonet aktuale, sipas Bankës Qendrore. Përgjigjia e tregut ndaj përdorimit të juanit dixhital në qytetet pilot dhe në vendet Olimpike Dimërore ka qenë e mirë, dhe shkallët e përdoruesve dhe të transaksioneve kanë qenë “në rritje të qëndrueshme”, tha të shtunën Banka Popullore e Kinës pas një takimi të kryesuar nga Guvernatori Yi Gang.
Në hapin tjetër për të promovuar përdorimin e juanit dixhital, banka qendrore tha se do të punojë për mbrojtjen e privatësisë dhe parandalimin e krimit dhe do të kryejë “hulumtim të thellë” të ndikimit në sistemin financiar të vendit.
Provat janë zhvilluar në Shenzhen, Suzhou, Xiong’an, Chengdu, Shanghai, Hainan, Changsha, Xi’an, Qingdao, Dalian dhe në ciklin e mbyllur të Lojërave Olimpike Dimërore 2022.
Kina do të shtojë Tianjin, Chongqing, Guangzhou, Fuzhou, Xiamen, Hangzhou, Ningbo, Ëenzhou, Huzhou, Shaoxing dhe Jinhua në listën e qyteteve të provës. Pekini dhe Zhangjiakou, qytetet bashkëpritëse të Lojërave Olimpike Dimërore dhe Lojërave Paralimpike Dimërore, do të vazhdojnë të përdorin juanin dixhital pas përfundimit të provave brenda vendeve të Lojërave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
