Para digjitale e emetuar nga Banka Qëndrore/ Kina po përpiqet të zgjerojë përdorimin e juanit digjital - Business Magazine Albania

Para digjitale e emetuar nga Banka Qëndrore/ Kina po përpiqet të zgjerojë përdorimin e juanit digjital

Kina po shton përpjekjet për të shpërndarë juanin dixhital tek popullata e gjerë, teksa gjigantët e teknologjisë së vendit si Alibaba dhe Tencent i janë bashkuar përpjekjes për ta zgjeruar përdorimin e saj.

Por ka sfida përpara dhe një pyetje e veçantë del në pah: A do të fillojnë të paguajnë me juan dixhital qytetarët kinezë – të cilët tashmë përdorin dy sisteme dominuese të pagesave celulare të drejtuara nga të njëjtat firma teknologjike?

Banka Popullore e Kinës (PBOC) ka punuar me formën dixhitale të monedhës së saj sovrane që nga viti 2014.

I njohur gjithashtu si e-CNY, është krijuar për të zëvendësuar paratë dhe monedhat tashmë në qarkullim. Nuk është një kriptomonedhë si bitcoin, pjesërisht sepse kontrollohet dhe lëshohet nga banka qendrore. Bitcoin është një monedhë dixhitale e decentralizuar që nuk mbështetet nga asnjë bankë qendrore apo një administrator i vetëm.

Lexo edhe: Kina një hap më pranë emetimit të juanit digjital. Teston portofolet digjitalë si aplikacione në Android dhe Apple

Juani dixhital i Kinës është një formë e monedhës dixhitale të bankës qendrore (CBDC) për të cilën po punojnë edhe shumë banka të tjera qendrore në mbarë botën – megjithëse banka qendrore kineze është shumë më përpara se kolegët e saj globalë.

Deri më sot, PBOC ka pilotuar monedhën dixhitale përmes llotarive dhe dhjetëra milionë juanë dixhitalë u janë shpërndarë qytetarëve në një pjesë të vogël të qyteteve në Kinë.

Autoritetet kineze tani po rritin ambicien e tyre për të zgjeruar përdorimin e monedhës për më shumë qytetarë edhe pse një datë e prezantimit mbarëkombëtar nuk është caktuar.

CNBC 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0