Konfindustria i kërkon ekzekutivit dhe vendimmarrjes politike të ndryshojë thelbësisht dhe në një kohë sa më të shpejtë, mënyrën e përbërjes, ndërtimit dhe funksionimit të Bordit të Çmimeve të Karburanteve. Konfindustria vlerëson, se mënyra e ndërtimit të bordit është me ngarkesë të qartë të përplasjes institucionale, mungesës objektive të vlerësimeve dhe profesionalizmit si dhe krijon hapësira të mëdha për subjektivizëm dhe korrupsion.
Së pari, është e paarsyetuar prania në vendimmarrje e përfaqësuesve të kompanive, që janë subjekt i kontrollit për spekullime të çmimeve. Në këtë rast krijohet përplasje e drejtëpërdrejtë me vetë qëllimin e krijimit të Bordit të Çmimeve të Karburanteve.
Së dyti, edhe prania e përfaqësuesve të Ministrisë së Financave është në përplasje të qartë institucionale me qëllimin e krijimit të Bordit. Ministria e Financave është e interesuar për çmime sa më të larta të karburanteve, në mënyrë që të shtojë të ardhurat në buxhet. Vetëm në 2 muajt e parë të vitit 2022 të ardhurat buxhetore janë tejkaluar me pothuaj 200 milionë $ nga parashikimi si pasojë direkte e inflacionit, duke goditur ashpër prodhimin vendor, industritë dhe mirëqënien e qytetarëve shqiptarë.
Së treti, është e domosdoshme paraqitja publike e metodikës dhe arsyetimit rast pas rasti për çdo vendim të Bordit me qëllim shmangien e subjektivizmit dhe korrupsionit.
Lexo: Si të shpëtojmë Amazonën nga shkatërrimi? Sipërmarrësi mendon se zgjidhja është NFT-ja
Konfindustria vlerëson, se modeli më i përshtatshëm është krijimi i Entit Rregullator të Karburanteve/ERRK, institucion profesional i përhershëm në varësi të Kuvendit të Shqipërisë, sipas shembullit të Maqedonisë së Veriut.
Sipas vlerësimeve të përditësuara nga Qendra e Studimeve të Konfindustrisë del, që çmimet e karburanteve në Shqipëri janë 15-20 lekë më të larta sesa fqinjët, duke përllogaritur edhe ndikimin e ngarkesës fiskale të ndryshme. Ndërkohë në vlerë absolute, çmimet e naftës në Shqipëri në javën e fundit të muajit mars 2022 janë 70-80 lekë më të larta sesa Kosova dhe Maqedonia e Veriut. Gjithashtu, tepër të larta janë edhe krahësimisht shteteve të tjera të Rajonit dhe BE, që kanë një nivel të ardhurash vjetore shumë më të lartë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
