Shumë vende në mbarë botën kanë vendosur të jetojnë me koronavirusin, edhe pse një nënvariant i ri po nxit një valë tjetër infeksionesh. Por Kina është një përjashtim jashtëzakonisht i rëndësishëm.
Politika është e varur mbi perspektivën për ekonominë globale dhe tregjet financiare, duke paraqitur më shumë të panjohura ndërsa investitorët përpiqen të vlerësojnë ndikimet e luftës në Ukrainë dhe inflacionit në rritje.
Duke filluar nga e hëna, rreth 11 milionë banorë në gjysmën lindore të Shangait do të ndalohen të dalin jashtë për katër ditë pasi nisin testimet masive. Bllokimi i shkallëzuar më pas do të zhvendoset në gjysmën tjetër të qytetit, i cili ka rreth 14 milionë banorë, duke filluar nga e Premtja.
Reagimi i tregut
Njoftimi uli ndjeshëm çmimet e naftës së papërpunuar, pasi tregtarët parshikojnë se kufizimet do të reduktonin kërkesën nga një konsumator kryesor. Kina importon rreth 11 milionë fuçi naftë në ditë.
Lexo edhe: Luhatjet e motit në Brazil prekin tregjet globale të mallrave
Megjithatë, aksionet po vazhdojnë të ruajnë nivelet e tyre.Indeksi i përbërë i Shangait përfundoi të hënën pothuajse 0.1% më i lartë. Bursa e Shangait mbeti e hapur dhe tha se do të ofronte shërbime online për firmat që duan të kalojnë procesin e listimit të aksioneve.
Sa i rëndësishëm është Shangai?
Bllokimi në Shangai është një lajm i madh jo vetëm për shkak të madhësisë së qytetit, por edhe për shkak të lidhjeve të tij të thella financiare dhe ekonomike.
Shangai përbën rreth 4% të prodhimit ekonomik të Kinës, sipas Larry Hu nga Macquarie Capital. Por për shkak se është një “nyje kryesore e ekonomisë kineze… ndikimi indirekt mund të jetë gjithashtu thelbësor,” u tha ai klientëve.
Bllokimi dhe pasiguria për atë që Pekini do të bëjë më pas ndërsa vazhdon luftën e tij të ashpër kundër virusit, është një kërcënim për objektivin e rritjes ekonomike të Kinës prej rreth 5.5%, tashmë më i ulëti në tre dekada.
Lexo edhe: Një rend i ri botëror? Pandemia dhe lufta “shkundin” globalizmin
Shpenzimet e konsumatorit dhe sektori i pasurive të paluajtshme të Kinës, i cili tashmë ishte nën presion serioz, ka të ngjarë të përballojë dhimbjen.
Jashtë Kinës, pyetja e madhe është nëse prodhimi dhe transporti do të ndikohen, duke shtuar edhe më shumë presionin mbi zinxhirët e furnizimit global dhe duke rritur më tej çmimet.
Portet kryesore të Shangait po funksionojnë normalisht, sipas mediave shtetërore. Dhe gjatë një bllokimi në qytetin jugor kinez të Shenzhen në fillim të këtij muaji, prodhuesit zhvendosën operacionet në pjesë të tjera të rrjetit të tyre për të kufizuar ndikimin e rregullave të përkohshme.
“Ndikimi në aktivitetet prodhuese ka të ngjarë të jetë i menaxhueshëm, veçanërisht nëse izolime të tilla janë të shkurtra dhe sporadike,” thanë ekonomistët në Bankën e Amerikës në një shënim të fundit kërkimor.
Por ende ka të ngjarë të ketë ndërprerje. Mediat po raportojnë se Tesla do të pezullojë prodhimin në fabrikën e saj në Shangai për katër ditë.
CNN
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
