Industria e plastikës do të duhet të rishikojë sërish politikat e saj të prodhimit.
Në Komisionet parlamentare ka nisur diskutimi i projektligjit të prezantuar dy vite më parë në Kuvend. Ministrja e Turizimit dhe Mjedisit, Mirela Kumbaro ka prezantuar qëndrimet e ministrisë në Komisionin e Veprimtarive Prodhuese.
Sipas saj, do të ketë masa administrative për prodhuesit apo qytetarët që i përdorin ato qeset plastike, duke nisur nga 1 qershori 2022, pasi prodhimi, përdorimi dhe importimi i qeseve plastike do të ndalohet”.
Sipas saj, “propozimi bazohet në nevojën për reduktimin e këtyre mbetjeve plastike, për shkak të ndotjes që shkakton në tokë dhe det mikroplastika”.
Lexo: Ja cilat janë masat dhe rregullat për këtë sezon turistik
Në qëndrimin e tyre përfaqësuesit e opozitës theksuan pasojat ekonomike të kësaj mase tek prodhuesit shqiptarë, dhe të punësuarit e tyre.
Pengesat që hasën ndryshimet, frenuan miratimin e projektiligjit deri më tani, ndërsa nuk duket i lehtë kalimi i tij edhe kësaj radhe.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
