Asistencë për kompanitë që punësojnë të sapodiplomuar! Ja programi që synon zhvillimin e kapitalit njerëzor në vend - Business Magazine Albania

Asistencë për kompanitë që punësojnë të sapodiplomuar! Ja programi që synon zhvillimin e kapitalit njerëzor në vend

Ndërmarrjet e vogla dhe të mesme të cilat do të punësojnë të sapodiplomuar do të mund të marrin asistencë nga Qeveria si pjesë e strategjisë për të nxitur lidhjen mes biznesit dhe universiteteve.

Agjencia Shqiptare e Zhvillimit të Investimeve do të luajë një rol kyç në këtë drejtim me qëllim marrjen e masave që synojnë të forcojnë lidhjet midis bizneseve inovative dhe akademisë. Si fillim do të asistohen SME-të të cilat punësojnë të sapodiplomuar të talentuar për projekte inovacioni.

“Të diplomuarit e rinj do të punësohen për detyra në fushat e kërkimit dhe zhvillimit, zhvillimit/përmirësimit të produkteve dhe proceseve të reja, kërkimit të tregut dhe zhvillimit të biznesit për inovacion.

Kjo skemë do të sigurojë një subvencion pagash që mbulon deri në 50% të pagës bruto, si dhe shpenzimet e lidhura me punën (si trajnimi) të një të sapodiplomuari nga një SME për të punuar në projekte inovacioni, për një periudhë deri në 18 muaj. Kontributi maksimal do të arrijë vlerën 4500 euro për person (25 euro në muaj).

Lexo edhe: Rëndësia e zhvillimit të kapitalit njerëzor

Të diplomuarit e rinj do të punësohen sërish dhe për herë të parë. I sapodiplomuari nuk duhet të zëvendësojë një pozicion ekzistues.

Së dyti, sipas draftit të përgatitur për këtë program thuhes se do të mund të ketë asistencë edhe për studentët e doktoraturës.

“Programi i doktoraturës industriale është një projekt kërkimor i fokusuar në industri dhe program PHD dhe zhvillohet së bashku nga një kompani e sektorit privat, një kandidat për PHD industriale dhe një institucion i arsimit të lartë. Kandidati për PHD industrial është i punësuar në kompani dhe në të njëjtën kohë është i regjistruar në institucionet e arsimit të lartë dhe punon për të njëjtin projekt në të dy vendet. Kandidati duhet të kalojë gjithë kohën e punës duke punuar në projekt dhe nuk mund të kryejë detyra të tjera. Kompania merr një subvencion pagash për pagesën e kandidatit (p.sh. deri në 50% të pagës së plotë bruto / deri në 200 euro në muaj) për një periudhë deri në tre vite. Institucionet e arsimit të lartë marrin një subvencion për mbikëqyrje, pajisje dhe shpenzime të tjera për arsimimin e kandidatit (p.sh. deri në 2000 euro në vit)”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0