Amazon Web Services, pësoi një ndërprerje të madhe të martën në mëngjes.
Disa njerëzve iu fikën pajisjet, disa të tjerëve nuk u punonte zilja e derës dhe disa të tjerë nuk mund të hapnin Netflix.
Ashtu siç ndodhi dhe dy vite më parë, dhjetëra shëbime dolën jashtë funksioni si pasojë e problemeve të serverave të Amazon. Përtej produkteve të vetë Amazon si Alex dhe Ring, ka miliona njerëz, kompani dhe agjenci qeveritare, të cilat mbështeten tek web hosti dhe infrastruktura e cloud të Amazon.
Netflix, për shembull, përdor AWS “për pothuajse të gjitha nevojat kompjuterike dhe ruajtjen e bazës së të dhënave, analitikën, motorrët e rekomandimeve, transkodimin e videos dhe më shumë.
Por, shërbimet që përdorin klientët AWS të Amazon ndryshojnë shumë, nga softueri i bazës së të dhënave në distancë që përdoret për ndjekjen e biznesit deri te ruajtja në distancë për skedarët dhe shumë më tepër.
Këta klientë përfshijnë, por nuk kufizohen vetëm në Netflix, Tinder, Nintendo, McDonald’s, Sweetgreen, Disney+ dhe Roku, të cilët kanë pasur probleme të martën. Faqja e vetë e-commerce e Amazon nuk funksiononte gjithashtu.
Një arsye thelbësore përse shërbimi AWS ka qenë kaq i suksesshëm dhe pse kaq shumë kompani varen prej tij, është se Amazon ishte një nga kompanitë e para që investoi në shërbimet e cloud computing.
Për kompani si Netflix, AWS mund të ketë qenë opsioni i vetëm i zbatueshëm kur shërbimet cloud kërkoheshin më shumë se një dekadë më parë.
Megjithëse Amazon ka një shumëllojshmëri të grupeve të ndryshme të serverëve në të gjithë SHBA-në, ndërprerja e të martës ishte specifike për një qendër të dhënash, ajo preku “Rajonin Lindor”, tha Amazon, i cili ndodhet në Virxhinia.
Amazon tha se e kishte “zgjidhur problemin” dhe shërbimet ishin kthyer në normalitet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
