Miliarderi Elon Musk tha se do të shiste aksionet e Tesla-s dhe do t’i dhuronte të ardhurat nëse OKB mund të provojë se vetëm një përqindje e vogël e pasurisë së tij mund të zgjidhte krizën e urisë në Botë.
Musk iu përgjigj komenteve të David Beasley, drejtor i Programit Botëror të Ushqimit të OKB-së, i cili tha për CNN’s Connect the World javën e kaluar se një donacion prej 6 miliardë dollarësh nga miliarderë si Musk dhe Bezos mund të ndihmojnë 42 milionë njerëz që “praktikisht do të vdesin nëse ne nuk i ndihmojmë”.
Musk është aktualisht njeriu më i pasur në Botë dhe personi i parë që ka një pasuri prej 300 miliardë dollarësh, sipas Indeksit të Miliarderëve të Bloomberg. Drejtori Ekzekutiv i Tesla aktualisht ka një vlerë neto prej 311 miliardë dollarësh, kështu që 6 miliardë dollarë do të ishin 2% e pasurisë së tij dhe një dhurim i tillë do ta lërë atë të jetë njeriu i dytë më i pasur, pas Jeff Bezos, me të paktën 100 miliardë dollarë.
Por, Musk po sfidon pretendimin se shuma do të zgjidhë krizën aktuale të urisë, duke thënë në Twitter se nëse Programi Botëror i Ushqimit mund ta vërtetojë këtë, ai do të shesë aksionet e Tesla tani dhe të japë paratë për ushqim, por kërkoi llogari se si do të shpenzohen paratë.
If WFP can describe on this Twitter thread exactly how $6B will solve world hunger, I will sell Tesla stock right now and do it.
— Elon Musk (@elonmusk) October 31, 2021
Beasley iu përgjigj Musk duke postuar në Twitter: “Mund t’ju siguroj se ne kemi sisteme të vendosura për transparencë dhe kontabilitet me burim të hapur. Ekipi juaj mund të shqyrtojë dhe të punojë me ne për të qenë plotësisht i sigurt për të”
Ai gjithashtu sqaroi se Programi Botëror i Ushqimit i OKB-së nuk ka thënë kurrë se 6 miliardë dollarë do të zgjidhin urinë në botë. “Ky është një donacion një herë për të shpëtuar 42 milionë jetë gjatë kësaj krize të paprecedentë urie”, shkroi ai në Twitter.
Beasley ka përsëritur thirrjen e tij drejtuar miliarderëve, duke u kërkuar atyre që të ndihmojnë për të zgjidhur urinë në botë.
“Nuk është e komplikuar. Unë nuk po u kërkoj atyre ta bëjnë këtë çdo ditë, çdo javë, çdo vit,” tha Beasley gjatë paraqitjes së tij në CNN.
“Ndër 400 miliarderët më të mëdhenj në Shtetet e Bashkuara, rritja e pasurisë neto ishte 1.8 trilionë dollarë në vitin e kaluar,” vazhdoi ai. “Gjithçka që po kërkoj është 0,36% e rritjes së vlerës tuaj neto. Unë jam për njerëzit që bëjnë para, por Zoti e di që jam për të gjithë ata që ndihmojnë njerëzit që janë në nevojë të madhe tani. Bota është në telashe.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
