Lexie Alford nga Nevada City, Kaliforni, kohët e fundit theu rekordin botëror Guinness për t’u bërë personi më i ri që ka udhëtuar në çdo vend të botës.
Në moshën 23 vjeçare, ajo vizitoi 196 vende në një përpjekje për të sfiduar veten dhe për të kapërcyer kufijtë e asaj që ajo besonte se ishte e mundur për një udhëtare vetëm femër.
Lexie kryesisht përdorte aeroplanë, varka dhe trena për të lëvizur. Ajo theksoi mënyrën e fundit të transportit si të preferuarin e saj, “pasi ju mund të shikoni nga dritarja peizazhet që ndryshojnë gjithnjë.”
Alford tha se iu deshën tre vjet për të udhëtuar në çdo vend dhe për të thyer rekordin botëror. Ajo filloi të udhëtonte kur ishte shumë e re, sepse nëna e saj zotëronte një agjenci udhëtimi në Kaliforni.
“Unë u rrita duke u bashkuar me nënën time në udhëtimet e saj të punës në të gjithë botën, në më shumë se 70 vende, dhe pasi kurseva për më shumë se gjashtë vjet dhe mbarova kolegjin në moshën 18 vjeçare, vendosa të filloj aventurat e mia,” tha ajo.
Sidoqoftë, nuk ishte gjithçka një rrugëtim i thjeshtë, kishte shumë pengesa që Alford hasi, përfshirë rregullimin e vizave për të hyrë në disa vende. U deshën muaj për t’i marrë ato për Venezuelën, Pakistanin, etj.
Por sfidat u tejkaluan nga përvojat e paharrueshme që Alford shijoi në aventurat e saj vetëm. “Ka kaq shumë përvoja të jashtëzakonshme që mund të vijnë nga udhëtimi vetëm, sepse jeni më të hapur për mikpritjen dhe ndërveprimet me vendasit sesa do të ishit kur jeni në një grup të madh njerëzish,” tha ajo.
“Për historinë më të ruajtur në botë, unë e dua Egjiptin. Për mirësinë e vendasve, kam pasur një përvojë të mahnitshme në Pakistanin Verior,” tha ajo.
Lexoni: 6 arsye pse vjeshta është periudha më e mirë për të udhëtuar
Ajo shtoi: “Ishulli më unik në botë, sipas mendimit tim, është Islanda: vendi i zjarrit dhe i akullit. Për bukurinë më të pabesueshme natyrore, më pëlqente të vizitoja Angel Falls në Venezuelë.”
Kur bëhet fjalë për mënyrat e tjera të transportit që Alford përdori në udhëtimin e saj, ajo tha se udhëtimi me aeroplanë ka qenë një përvojë e mirë dhe e keqe. “Unë kam udhëtuar me një shumëllojshmëri jashtëzakonisht të gjerë të linjave ajrore në të gjithë botën dhe për pjesën më të madhe, të gjithë kishin ushqim të tmerrshëm!”
Alford tha se ajo zakonisht udhëtonte në linja ajrore si Delta dhe KLM. “Unë e kam dashur absolutisht cilësinë e këtyre linjave ajrore dhe mezi pres të fluturoj me to.” Në veçanti, cilësia e përgjithshme e sendiljeve dhe pastërtia ishin superiore, shtoi ajo.
Alford kishte kënaqësinë të takonte një larmi njerëzish dhe të takonte kultura të ndryshme në udhëtimin e saj. Por përvoja më e vlefshme nga të gjitha ishte zbulimi i një ndjenje të re të pavarësisë.
Ka edhe disa mësime për jetën që ajo ka mësuar. “Kur vjen puna për të udhëtuar vetëm, veçanërisht si grua, është jashtëzakonisht e rëndësishme të përdorësh të menduarit praktik,” tha ajo.
Kur udhëtoni në vende që perceptohen si të rrezikshme ose të paqëndrueshme, Alford tha se ajo mësoi të mbante mend se gjërat mund të ndryshojnë në çdo kohë dhe kjo është diçka që duhet të pranoni duke hyrë në këto lloj përvojash. “E vetmja gjë që mund të kontrolloni është mendësia juaj,” tha ajo.
Për Alford, asgjë nuk mund të krahasohet me udhëtimin, të cilin ajo e përshkroi si pjesën e saj të preferuar për të qenë gjallë. “Por unë do të gënjeja nëse do të thosha se nuk po kënaqem duke marrë kohë për veten nga të gjitha lodhjet në trupin tim gjatë viteve të fundit,” shtoi ajo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
