Administrata Doganore Shqiptare dhe ajo e Kosovës po synojnë të rrisin bashkëpunimin në çështjet me interes dypalësh.
Drejtori i Përgjithshëm i Doganave Shqiptare, Genti Gazheli, vizitoi Doganën e Kosovës dhe takoi Drejtorin e Përgjithshëm, Agron Llugaliu. Kjo vizitë e kreut të Doganave shqiptare vjen në vijim të takimit të dy Kryeministrave të Shqipërisë dhe Kosovës, para pak ditësh në Prishtinë.
Gjatë këtij takimi, u diskutua për përshpejtimin dhe lehtësimin e procedurave doganore në kalimin e mallrave në Morinë/Vërmicë dhe Durrës, procedurat e thjeshtësuara të ndërsjellta, sensibilizimi i opratorëve ekonomikë për këto procedura, mundësia e njohjes së ndërsjelltë të plumbosjes, si dhe sigurimi i prezencës së mundshme të autoriteteve kosovare në Porto Romano.
Shkëmbimet tregtare mes dy vendeve kanë ardhur në rritje të lehtë ndër vite. Gjatë periudhës Janar-Gusht 2021 janë realizuar importe me vlerë prej 7 mld e 655 mln lekë dhe në eksport janë realizuar 23 mld e 563 mln lekë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
