Rritja e vazhdueshme e çmimeve, veçanërisht ndikuar nga efektet e pandemisë, ka bërë që inflacioni të shkojë në nivelet më të larta të pothuajse 5 vitesh.
Çmimet e produkteve bazë kanë shënuar rritje. Instituti Shqiptar i Statistikave ka raportuar një rritje të indeksit vjetor të çmimeve të konsumit gjatë muajit Gusht 2021 në nivelin 2,4%. Një vit më parë ky ndryshim ishte 1,3%. Ndërkohë, ndryshimi mujor i indeksit të çmimeve të konsumit në Gusht ishte 0,4%.
Rritja e çmimeve vërehet në mënyrë të dukshme të produktet e konsumit të përditshëm, duke nisur veçanërisht nga fillimi i këtij viti. Ajo u parapri nga rritja e çmimeve të lëndëve të para gjatë vitit të kaluar. Pandemia ka shkaktuar një zinxhir të rritjes së çmimeve. Kostot e transportit dhe tregtia ndërkombëtare ishin të parat që u prekën, për të dhënë efekt në vijim tek prodhimi dhe përpunimi.
Ekspertët vlerësojnë se rritja e çmimeve të produkteve ushqimore, do të prekë më së shumti familjet e varfra, për të cilat shporta e ushqimeve mban peshë të madhe në shpenzimet mujore.
Në pikat e shitjes me pakicë, një litër vaj misri/ luledielli ka shënuar rritje deri në 70-80% krahasuar me një vit më parë. Nga 140 lekë/litër që ishte një vit më parë, ajo shkoi në 260 lekë/l. Së fundi edhe importuesit e grurit dhe prodhuesit e brumrave në vend kanë paralajmëruar se do të rritet çmimi edhe për bukën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
