Filmi “Reconciliation” nga Marija Zidar është shpallur filmi më i mirë i edicionit të 20-të të Festivalit Ndërkombëtar të Filmit Dokumentar dhe të Shkurtër “DokuFest”. Ky film është bashkëproduksion slloveno-kosovar.
Në garën kombëtare, çmimin e ka marrë filmi “Një fëmijë” nga Bekim Guri, ndërkaq çmimin e publikut e mori “Vozitësi”, film i Valter Lucaj. Ndërkaq, në kategorinë ndërkombëtare për dokumentar në metrazh të shkurtës, fitues u zgjodh “The Rifleman” nga Sierra Pettengill”, ndërkaq çmimin për rrëfimin më të mirë dokumentar në kategorinë ndërkombëtare, fitues u shpall “We” nga Alice Diop.
Filmi më i mirë i shkurtër në gazën ndërkombëtare u zgjodh “The Criminals nga nga Serhat Karaaslan. Në edicionin e 20-të të DokuFest-it, Flaka Kokolli me filmi “Mardhë” mori mirënjohjen speciale.
Festivali i filmit të shkurtër dhe dokumentarit “DokuFest”, këtë vit e shënoi përvjetorin e 20-të të tij. Ky festival mbahet tradicionalisht në Prizren. Në vitin 2020 ky festival u mbajt online për shkak të masave kufizuese të pandemisë.
Sivjet, festivali i u kthye tradicionales, ku u paraqitën 230 filma dhe dokumentarë nga shumë vende të botës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
