Një shqiptaro-amerikane sapo është emëruar Ndihmes Sekretare ne Departamentin e Homelande Security. Eva Millona ka studiuar drejtësi në Universitetin e Tiranës në vitet 1980. Ky është posti më i lartë që ka mbajtur ndonjëherë në administratën amerikane një shqiptar, i lindur në Shqipëri.
Në Shqipëri, ajo ka praktikuar të drejtën civile dhe penale para se të bëhej gjyqtarja më e re e rrethit e emëruar ndonjëherë në Gjykatën e Rrethit të Tiranës, ku shërbeu nga 1989 në 1992. Pasi emigroi në SH.B.A., ajo drejtoi programin e rivendosjes së refugjatëve në Massachusetts Qendror, dhe më pas në 1999 u bashkua me MIRA (Massachusetts Immigrant and Refugee Advocacy Coalition), duke shërbyer fillimisht si Drejtor i Politikave dhe Avokatisë dhe më pas si Zëvendës Drejtor. Ajo u bë Drejtore Ekzekutive në vitin 2008, dhe sot njihet si në nivel kombëtar dhe ndërkombëtar si një ekspert dhe udhëheqëse në politikën e imigracionit dhe integrimin e imigrantëve dhe refugjatëve.
Ajo shërben në Komisionin Amerikan për të Drejtat Civile, Këshillin Këshillimor të Guvernatorit të Masaçusetsit për Refugjatët dhe Emigrantët, Këshillin e Prokurorit të Përgjithshëm për Amerikanët e Ri dhe Bordin Këshillëdhënës për Zyrën e Kryetarit të Bashkisë së Bostonit për Avancimin e Imigrantëve. Ajo ka marrë çmime të shumta për avokatinë dhe udhëheqjen e saj, përfshirë çmimin prestigjioz 2009 Outstanding American by Choice nga Shërbimet e Shtetësisë dhe Imigracionit të SH.B.A. dhe Çmimin e Drejtësisë Sociale të Bankës Wainwright 2010.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
