9 gjëra që nuk duhet t’i thoni kurrë shefit tuaj - Business Magazine Albania

9 gjëra që nuk duhet t’i thoni kurrë shefit tuaj

shefit

Kur flisni me shefin tuaj ju duhet të mbani gjithmonë një nivel profesionalizmi. Të thuash gjënë e gabuar me të vërtetë mund të dëmtojë karrierën tuaj.

Mos thoni: “Jo, nuk kam kohë”

Kur shefi juaj ju kërkon të bëni diçka, nuk ka asnjë arsye që ju të përgjigjeni me fjalën “jo”. Edhe nëse jeni shumë të zënë me projekte të tjera dhe me të vërtetë mendoni se nuk keni kohë të mjaftueshme për t’i bërë të gjitha, kërkoni nga shefi juaj t’ju ndihmojë të përcaktoni përparësinë se cilën detyrë duhet të bëni së pari.

Mos thoni: “Nuk është faji im: është faji i filanit”

Të luash lojën e fajit është një rrugë e pabesë dhe shumë fëminore. Nëse jeni të pafajshëm, shpjegoni shefit tuaj pse. Ju kurrë nuk duhet t’ja hidhni fajin kolegut tuaj, veçanërisht nëse mund të keni faj. Nëse shefi juaj sheh që shpesh po tregoni me gisht, ata mund të pyesin se kush është me të vërtetë fajtor.

Mos thoni: “Jam duke kërkuar një punë të re”

Sigurisht që punëdhënësit e dinë që në çdo kohë një person nga stafi i tij mund të jetë në kërkim të një pune të re, por ka një ndryshim të madh kur shefi e mendon vetë këtë dhe kur ju po ja bëni të ditur se po kërkoni një punë të re. Në një botë ideale ju duhet të jeni në gjendje t’i tregoni shefit tuaj se jeni duke kërkuar në mënyrë aktive për punë të re; megjithatë shumica e shefave do ta marrin këtë si një shuplakë në fytyrë. Është më mirë t’i njoftoni ata dy javë para kur të gjeni punën e re.

Lexoni: 5 treguesit e një shefi që nuk ju respekton

Mos thoni: “Nuk di se si ta bëj këtë”

Nëse shefi ju kërkon të bëni diçka dhe nuk jeni të sigurtë se si ta bëni atë, patjetër që nuk duhet të thoni se nuk jeni në dijeni për këtë. Në vend të kësaj, pyesni për udhëzime se si të filloni (dmth., A ka ndonjë koleg që mund t’ju mësojë? Një mësim online që mund të ndiqni?) Kjo tregon se jeni gati dhe të gatshëm për të mësuar, pa pranuar se nuk dini.

Mos thoni: “Jam trokë. Kam nevojë për një rritje rroge”

Ju patjetër që duhet të kërkoni një rritje rroge nga shefi juaj, por mos hyni në negociata për pagën duke folur për nevojën për më shumë para për shkak të problemeve tuaja financiare. Shefi juaj nuk do të ndikohet nga kjo. Kur të kërkoni një ngritje, jini të armatosur me dëshmi të arritjeve tuaja në vendin e punës dhe mbajeni jetën tuaj personale jashtë.

Mos thoni: “Shefi i vjetër nuk e bënte në këtë mënyrë”

Ju nuk do të dëshironi të krahasoheni me një ish-koleg në pozicionin tuaj të ri, dhe shefi juaj i ri ka shumë të ngjarë të ndihet njësoj. Gjithashtu shefi juaj mund të mendojë se ju nuk përshtateni mirë me ndryshimet dhe nuk jeni fleksibël. Kjo mund të bëjë që ju të ndaheni nga projektet ose detyrat e reja, sepse duket se nuk mund të përballoni ndryshimin.

Mos thoni: “Sot po largohem herët”

Nëse keni nevojë të largoheni herët për një takim me mjekun, kjo është një gjë tjetër. Por kurrë nuk duhet t’i kërkoni shefit tuaj të largoheni herët, sepse nuk keni asgjë për të bërë. Shefave u pëlqen kur punonjësit e tyre tregojnë iniciativë, kështu që nëse ka një monotoni në ditën tuaj, duhet të zbuloni se cilat projekte të reja janë në horizont.

Mos thoni: “U mërzita”

Ju jeni duke u paguar për të qenë produktiv në punë, si dhe për të mbetur entuziastë dhe nuk është përgjegjësia e shefit tuaj për të gjetur një mënyrë për ta bërë punën tuaj më interesante. Në vend që të thoni, “U mërzita”, bëhuni vullnetar për të udhëhequr një projekt të ri dhe interesant ose kërkojini shefin tuaj më shumë përgjegjësi.

Lexoni: Si të bini në sy të shefit të shefit tuaj

Mos thoni: “Jam hungover”

Nëse jeni bërë të afërt me shefin tuaj dhe keni zhvilluar një marrëdhënie miqësore, mund t’ju duket mirë t’i tregoni atyre për gjithë argëtimin që keni pasur mbrëmë, por nuk është kështu. Nëse kjo po ndodh shpesh dhe po vini pesë minuta vonë këtu dhe 10 minuta vonë atje shefi juaj mund të fillojë të pyesë nëse festa juaj ka të bëjë me vonesën. Në fund të ditës ju duhet t’i kujtoni vetes se ky është personi që merr vendimet për ju që merrni ngritje, promovime dhe shpërblime.

/readersdigest

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0