8 Mënyra të thjeshta për të përmirësuar jetën tuaj - Business Magazine Albania

8 Mënyra të thjeshta për të përmirësuar jetën tuaj


Përderisa një mori e librave është shkruar mbi temën e lumturisë, këtu është një model i thjeshtë pune që secili mund ta praktikojë, duke filluar që sot.

1. Mësohuni me gabimet tuaja.

Richard Branson, themeluesi i Grupit Virgin, ka modeluar një qasje jo të zakonshme të lidershipit që ka tërhequr shumë vëmendje. Në kompaninë e tij, ai inkurajon dhe madje e feston dështimin. Ai thotë, “Mbi 45 vjet, gjithmonë kemi qëndruar me moton tonë: ‘Screw it, let’s do this’. Mos u shqetësoni për dështimet tuaja, mësoni prej tyre dhe provojeni përsëri. Të bërit gabime dhe hasja në pengesa është pjesë e ADN-së së çdo sipërmarrësi të suksesshëm dhe unë nuk jam përjashtim”.

2. Bëhuni kureshtarë.

Albert Einstein dikur shpjegoi gjenialitetin e tij kur tha: “Nuk kam një talent të veçantë. Unë thjesht jam shumë kurioz”. Siç duket, kurioziteti është një cilësi jashtëzakonisht e dobishme, shumica prej nesh – jo vetëm gjenitë  – mund ta shfrytëzojnë atë si avantazh. Disa studime tregojnë se njerëzit kureshtarë krijojnë marrëdhënie më të mira dhe e kalojnë më mirë me të tjerët. Në të vërtetë, njerëzit në përgjithësi kanë më shumë dëshirë të jenë pranë njerëzve kureshtarë.

3. Gjeje qëllimin e jetës tënde.

Kujtojani vetes shpesh se qëllimi i jetës suaj nuk është që të punoni 8 orë në ditë, pesë ditë në javë për 30 vjet, me radhë dhe pastaj të dilni në pension. Qëllimi juaj i vërtetë duhet të jetë për të zbuluar thirrjen tuaj të brendshme dhe për të shiijuar rrugëtimin e jetës. Në fund të jetës, përmes punës tuaj ju duhet tu përgjigjeni dy pyetjeve: Si kam ndikuar në jetën e të tjerëve? Kujt i kam bërë mirë dhe çfarë kam kontribuar?

4. Ngadalësoni.

Ne të gjithë kemi një tendencë të punojmë shumë dhe mendojmë se nëse nuk jemi çdo ditë shumë produktivë, ne disi kemi dështuar. Ngadalësoni dhe eliminoni nevojën për të bërë përpjekje për të qenë të përsosur. Ju do të filloni t’i vlerësoni dhe të përqendroheni në gjërat e tjera që i keni lënë pas dore.

5. Jini më spontan.

Shtoni spontanitetin në jetën tuaj duke bërë atë që mendoni se është e nevojshme për një jetë të shëndetshme. Nëse jeni në punë, bëni pushime të rregullta: Meditoni, dilni për një shëtitje jashtë, merrni një sy gjumë 15 minuta, luani një lojë ose thjesht shijoni vetveten. Javën e ardhshme, mendoni për një një hobi të ri. Befasojeni veten!

6. Qesh më shumë.

Humori ju ndihmon të mendoni më gjerësisht dhe me kreativisht, sipas psikologëve. Në një studim, ata i shtynë studentët të zgjidhnin një enigmë pasi të kenë shikuar një video qesharake. Njëzet për qind më shumë enigma u zgjidhën nga studentët të cilët kishin shikuar humor krahasuar me studentët që kishin shikuar paraprakisht video të frikshme apo të mërzitshme.

Prej buzëqeshjes, kemi edhe përfitime të tjera: Të qeshurit liron endorfinë në trup – një kimikat 10 herë më i fuqishëm se morfina – me të njëjtin efekt ngazëllyes si një stërvitje intensive në palestër.

7. Shprehni mirënjohje kur takoni një person tjetër.

Thënia “Jam i lumtur që po të shoh!” shpesh përdoret si një shprehje përshëndetëse, kur bëhet me tonin e duhur që e lartëson pozitivisht personin tjetër (dhe ju bën të dukeni mirë dhe të ndiheni më të lumtur).

8. Bëhuni vetvetja.

Si do të ndiheshit nëse, çdo ditë, ju flisni çfarë mendoni dhe u qëndroni besnik bindjeve tuaja? Imagjinoni lumturinë që do të ndjeni dhe respektin që do ia atriboni vetes. Të jesh origjinal është shumë më pak stresuese se të pretendosh se je dikush tjetër. Duke qenë  origjinalë, ju jo vetëm që u besoni vendimeve që ndërmerrni, por edhe të tjerët kanë besim tek ju. Ata do t’ju respektojnë juve për faktin se jeni në gjendje të mbështesni vlerat dhe besimet tuaja. Kjo krijon lumturi të vërtetë në jetën tuaj.

/INC.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0