Influencimi në rrjete sociale është një trend që përfiton rritje çdo ditë dhe sërish krijon habi në audiencë. Nëse do bënim një kërkim për të parë kush dominon në platforma të tilla, do vinim re se gratë “mbajnë kurorën”. Janë kryesisht gra ato më të angazhuarat për të krijuar përmbajtje. Megjithatë, habia në këtë rast qëndron te hendeku i pagesave, edhe pse më shumë, kolegët meshkuj paguhen më shumë.
Sipas raportit të fundit të Collabstr, gratë përbëjnë 72% të influencuesve. Megjithatë, të dhënat tregojnë se krijuesit meshkuj fitojnë mesatarisht 40% më shumë për bashkëpunim sesa femrat.
Lexo gjithashtu: Vetëm një shtet i paguan gratë më shumë se burrat. Pse kemi një hendek pagash mes gjinive?
Shkaqet e pabarazisë në pagesa
Një nga faktorët kryesorë që kontribuon në këtë hendek është mbipopullimi i tregut me influencuese femra, duke ulur kështu vlerën e tyre në treg dhe fuqinë e tyre negociuese. Raporti vëren se, ndërsa numri i ndjekësve rritet, diferenca në pagesa midis gjinive zvogëlohet.
Përveç kësaj, perceptimet dhe etiketimet e industrisë luajnë një rol të rëndësishëm. Termat si “influencues” dhe “krijues përmbajtjeje” mund të mbartin konotacione gjinore që ndikojnë në mënyrën se si vlerësohen dhe paguhen individët.
Lexo gjithashtu: Paga apo balanca punë-jetë, çfarë është më e rëndësishme për një punonjës?
Pavarësisht këtyre sfidave, tregu i influencimit po vazhdon të rritet me shpejtësi
Nevoja për ndryshim
Për të adresuar këtë pabarazi, është thelbësore që markat dhe agjencitë të rishikojnë praktikat e tyre të pagesave dhe të promovojnë transparencën në kompensim. Ndërgjegjësimi dhe edukimi mbi këto çështje mund të ndihmojnë në krijimin e një industrie më të drejtë dhe të barabartë për të gjithë krijuesit e përmbajtjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
