7 Trendet e marketingut për kompanitë e vogla

7 Trendet e marketingut për kompanitë e vogla


Cilat janë tendencat e marketingut që ndikojnë në biznesin e vogël? Më poshtë janë 7 tendencat nga ekonomistë e sipërmarrës si Laura Goldberg, Ben Gold dhe Cory Treffiletti.

Trendi 1: Bizneset e rrugës kryesore do të rilindin. Laura Goldberg, ekonomiste në kompaninë Kabbage.

“Të shtyrë nga dëshira për të shmangur teknologjitë, shumë janë kthyer në traditat më të vjetra, për të bërë detyra të përhershme. Nuk ka asnjë model apo algoritëm që mundëson prerjen e flokëve tuaja, ose të garantojë tulipanë për martesën e vajzës suaj në dimër. Marrëdhëniet e forta dhe, dhe për më tepër, personalizimi, janë thelbësore në biznes dhe janë parësore në shërbimin ndaj klientit.

Bizneset e vogla lokale do të rilindin në të ardhme, për shkak të teknologjisë dhe pavarësisht marketingut”.

Lexo: 7 trendet e marketingut dhe mediave sociale për 2020

Trendi 2: Do të ketë më pak besim tek kompanitë e mëdha të teknologjisë përsa i përket rritjes. Ben Gold, President në QuickBridge.

“Bizneset e vogla, të bazuara në tregtinë online, do të zhvendosin fokusin nga gjigandët e teknologjisë si Amazon dhe Google. Këto do ecin në rrugën e tyre me ndihmën e partnerëve më të vegjël, të cilët ofrojnë më shumë kontroll mbi markën, marrëdhëniet me klientët dhe plotësimin e kërkesës”.

Trendi 3: Tregtarët do të mbështeten më pak në të dhëna dhe më shumë në tregime. Cory Treffiletti, Shef Global i Demand Gen, Webex.com dhe Cisco Collaboration.

“10 vitet e kaluara, bizneset e vogla janë përqëndruar në përdorimin e të dhënave për indentifikimin dhe ndarjen e audiencës. Megjithatë, shumë premtime të tregtarëve, bazuar nga të dhënat, nuk janë realizuar. Bizneset më të vogla kanë buxhete më të vogla dhe si rezultat do të shpenzojnë më pak për taktikat e marketingut që udhëhiqen nga të dhënat.
Ata do të shpenzojnë më shumë nga koha dhe burimet e tyre në zhvillimin e tregimeve që shkon tek audienca dhe përzgjedh njerëzit me interes për kompaninë”.

Trendi 4: Nismat personale do të bëhen biznese të vërteta. Laura Goldberg, ekonomiste në Kabbage.

“Iniciativat personale do të bëhen më të spikatura tek gjeneratat e reja, duke filluar që në vitet e adoleshencës. Që sot njerëzit energjikë nuk janë aq të mahnitur nga një punë në zyrë. Kjo sfidon bizneset që zhvillohen në zyrë. Në të ardhmen, ne do të shohim një numër më të madh biznesesh të nisur nga nismat personale. Teknologjia po lehtëson jashtëzakonisht shumë fillimin dhe ndërtimin e një biznesi, dhe si rezultat, ne do të shohim shumë njerëz që ndërmarrin nisma”.

Trendi 5: Rritje e vlerës së qëndrueshme në vend të rritjes së thjeshtë të biznesit. Ben Gold, President në QuickBridge.

“Në ndryshim nga rritja e shpejtë e mbingarkuara, që shihen gjatë dekadës së fundit, bizneset e vogla dhe startup-et do të zhvendosen drejt përfitimeve të qëndrueshme. Rezultati do të jetë rritja e sipërmarrjes duke u përqëndruar në duart e pronarit të biznesit të vogël”.

Trendi 6: Do kenë në fokus inovacionin. Cory Treffiletti, Shef Global i Demand Gen, Webex.com dhe Cisco Collaboration.

“AI po zhvillon veten dhe gjithë ekonominë e jetën e përditshme duke ndikuar pozitivisht edhe tek sipërmarrjet e vogla. Pronarët e bizneseve po gjejnë mënyra për të automatizuar detyra të thjeshta si shënime takimesh, planifikim kalendarike, etj. Ndërsa AI fillon t’i zgjidhë lehtësisht këto detyra të thjeshta, pronari i biznesit të vogël, ka më shumë kohë në dispozicion të përqendrohet në bashkëpunimin dhe zhvillimin e ideve që shtyjnë biznesin përpara. Ky lloj inovacioni siguron përdorim më të mirë të kohës dhe krijon fluks të ri të të ardhurave, marzhe më të larta dhe një peizazh të përgjithshëm më të mirë të biznesit”.

Lexo: Strategjitë e marketingut që duhet të përdorë një startup për të arritur sukses

Trendi 7: Biznesi i vogël do të mbështetet në metodat e pagesës dixhitale. Cory Treffiletti, Shef Global i Demand Gen, Webex.com dhe Cisco Collaboration.

“Më shumë biznese të vogla po shkojnë direkt tek konsumatori duke shitur online. Edhe ata me një magazine po zbulojnë se metodat e pagesës dixhitale janë të zakonshme. Ndaj klienti mund të vijë pa para edhe në dyqan, duke mos pasur më nevojë të menaxhoni paratë e dorës, një barrë e përditshme dhe ditore e administrimit të monedhës fizike. Ekosistemet digjitale për pagesa dhe menaxhim janë më të përballueshme dhe patjetër më të përshtatshme”.

Burimi: Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0