7 thënie që do të dëgjoni nga njerëzit me vetëbesim


Nga të gjitha veçoritë përbërëse të karakterit të individit, vetëbesimi lidhet ngusht me suksesin. Në biznes, ai bën të mundur marrjen përsipër të risqeve dhe ndjekjen e mundësive dhe në krahasim me pjesën tjetër, personat që kanë besim në vetëvete, shihen si më tërheqës, duke krijuar kështu dhe marrëdhënië më të frytshme.

Së pari, duhet kuptuar se çfarë do të thotë vetëbesim. Patjetër që nuk ka të bëjë me të mburrurin e vetes ose mendimet që jeni më i mirë se pjesa tjetër. Të kesh vetëbesim do të thotë t’u besosh aftësive tuaja dhe kjo pa u kthyer në arrogantë. Më poshtë do të gjeni disa thënie, që do t’i dëgjoni nga çdo njeri me vetëbesim:

  1. “Nuk do mërzitesha për këtë.”

Në momentin që i drejtoheni një njeriu të tillë, me një listë problematikash se si ngjarjet mund të marrin për keq, kjo është ajo çfarë do të dëgjonit. Ata janë të sigurt, që edhe nëse gjërat marrin për keq, do të dinë si të veprojnë me situatën.

  1. “Provoje!”

Në mungesë të ankthit, vendin e zë një sens optimizmi. Njerëzit me vetëbesim kanë aftësinë e të ndërlidhurit të karakterit të tyre pozitiv me të menduarit në mënyre realiste.

  1. “Kjo funksionon për mua.”

Të jesh i sigurt në atë çfarë do dhe të mos merakosesh për validimin e personave të tjerë, është një nga hapat e parë për t’u kthyer në një individ me vetëbesim të lartë.

  1. “Përse jo unë?”

Ndryshe nga të priturit e një mundësie tjetër, këta njerëz e mundësojnë atë. Ata kanë një vizion dhe duan ta arrijnë atë, qoftë nëpërmjet krijimit të lidhjeve të duhura edhe kërkesës për ngritje në detyrë.

  1. “Dua të them diçka.”

Individët që besojnë në vetëvete dinë të mbajnë një qëndrim të caktuar në çështje të ndryshme, por ata e dinë gjithashtu se për cilat beteja ia vlen të luftosh. Në momentin që këndvështrimi i tyre është gabim, ata janë mjaftueshëm të sigurt të konsiderojnë dhe alternativa të tjera përsa u përket çështjeve të ndryshme.

  1. “Më thuaj më shumë.”

Ata dëgjojnë më shumë sesa flasin dhe shfaqin interes për të tjerët, në ndryshim nga persona të tjerë që përpiqen të “monopolizojnë” bisedën, duke maskuar në këtë mënyrë pasigurinë e tyre.

  1. “Mund të më ndihmosh?”

Të gjithë personat kanë dobësi të caktuara. Pranimi i dobësive tregon që ju keni mjaftueshëm besim te vetja për të vënë në dukje dhe pikat tuaja të dobëta. Një person me vetëbesim është më i fokusuar në proçesin e përmirësimin sesa në fshehjen e dobësive.

Ergys Kosovrasti

INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale