7 hapa për t’u transformuar nga ai që jeni, në atë që doni të bëheni - Business Magazine Albania

7 hapa për t’u transformuar nga ai që jeni, në atë që doni të bëheni


1. Shikojeni veten nga një këndvështrim tjetër
Imagjinoni sikur jeni një skulptor. Një skulptor i shikon të gjitha skulpturat e tij dhe i bën pyetje të njëpasnjeshme vetes për të gjetur mënyra të reja për ta përmirësuar. Dhe nëse ai apo ajo mendon se ka diçka për të ndryshuar, ata thjesht e ndryshojnë atë. Kështu duhet ta shikoni edhe ju veten tuaj – si një punë arti, gjithmonë në progres. Nuk është nevoja që të mërziteni kur shikoni që ka diçka që nuk shkon. Në vend të kësaj, si një artist, ju duhet të vazhdoni punën dhe të përmirësoheni.

2. Gjeni një zakon të lidhur me atë që doni të ndryshoni
Shumë shpesh, njerëzit foksuohen në atë gjë që duan të ndryshojnë sesa në vesin që e ka krijuar në fillim. Përshembull: Njerëzit përpiqen që ta zgjidhin problemin e tyre me mbipeshën duke bërë shumë ushtrimë për barkun, pa e pranuar se problemi kryesor është një dietë e varfër. Për të ndryshuar këto aspekte të vetes tuaj ju duhet të gjeni zakonin që e ka krijuar këtë tipar në fillim dhe të beni ndryshime pikërisht aty.

3. Praktikoni çdo ditë, pavarësisht çdo gjëje
Ndryshimi nuk është diçka që e bën disa ditë dhe më pas bën pushim për ditët në vazhdim. Ndryshimi është një ndërrim i mënyrës së jetesës. Kërkon dedikim çdo ditë, në mënyrë që zakonet e reja të zëvëndësojnë ato të vjetrat.

4. Vendosni qëllime realiste
Ju nuk mund të zgjoheni një mëngjes dhe të thoni: “Nuk do të jem më i paduruar!” Por ti je në të vërtetë. Dhe e ndihmon veten tënde duke e pranuar që një zakon i keq nuk do të ndryshohet menjëherë. Në vend të kësaj, vendosni qëllimin për të qenë më i duruar në mbledhjen e ardhshme të skuadrës tuaj që bëhet çdo mëngjes. Fokusohuni tek ajo për disa javë dhe do ja arrini.

5. Shikohuni shpeshherë në pasqyrë
Gjërat bëhen të rrezikshme kur ju refuzoni të ndaloni dhe të shikoni veten se çfarë keni bërë dhe arritur. Është e nevojshme që të ketë një periudhe kohe për të reflektuar.

6. Rrethojeni veten me njerëz që ju thonë të vërtetën
Nëse të gjithë ata që keni rrotull janë duke ju thënë “Po” për çdo gjë, atëherë keni një problem serioz. Juve ju nevojiten njerëz të cilët do ju pyesin dhe do ju sfidojnë. Juvë ju nevojiten njerëz që nuk kanë frikë t’ju thonë të vërtetën. Feedback-u nga njerëz të tjerë është i rëndësisshëm për rritjen personale.

7. Duhet të ndërmerrni risqe
Ju nuk do të bëheni kurrë personi që doni të jeni, nëse vazhdoni të qëndroni ai që jeni. Rritja kërkon vetëm një hap, të dilni nga “zona e rehatshme”. Nëse nuk do të ndërmerrni atë risk, të merrni hapin drejt të panjohurës, do të qëndroni gjithmonë aty ku jeni.

Burimi: Shkruar nga Nicolas Cole dhe publikuar në inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0