7 gjërat që duhet t’i bëni me patjeter në Shqipëri sipas revistës InCity

Revista e parë e argëtimit në Shqipëri, InCity ka publikuar një artikull në lidhje më 7 gjërat që duhet me patjetër të bëni në Shqipëri, nëse nuk i keni bërë akoma.

Në artikullin e saj ajo shkruan:

Kohët e fundit kemi kaluar një muaj të tërë në Shqipëri duke vizituar vendin dhe duke ndihmuar sipërmarrësit e rinj në ekosistemin e startup-ve. Gjatë kësaj kohe zbuluam një vend të bukur dhe të larmishëm me një të kaluar të pasur. Për 40 vjet, Shqipëria u konsiderua si Korea e Veriut e Europës me një diktaturë izoluese. Sot, është një vend me kaq shumë për të ofruar për ata që kërkojnë anën e fshehur, të panjohur dhe të egër të Tokës. Më poshtë janë 7 gjëra për të parë dhe për të bërë, të cilat nuk mund t’i humbisni:

1. Vizitoni bregdetin jugor. Shkoni pranë qytetit të Vlorës në male në rrugën bregdetare. Atje fillon gjithçka. Ju do të endeni rreth ndërtesave të braktisura, rrënojave të bunkerëve dhe vijës bregdetare të mrekullueshme.
2. Rafting në Kanionet e Osumit. Një botë e paprekur e ujit ju pret. Një orë ose më shumë udhëtim jashtë Beratit ju çon në një nga udhëtimet më të bukura të rafting që mund të përjetoni ndonjëherë.
3. Shijoni burimet e nxehta të Bënjës pranë Përmetit. Ju mund ta kombinoni këtë me udhëtimin tuaj të rafting dhe të qëndroni një natë në Përmet pas ose para Beratit për të provuar burimet e nxehta aty pranë me minerale kurative.
4. Bëni kayak në fjordet në veri të Shqipërisë. Shkoni drejt Shkodrës nga Tirana dhe pastaj shkoni drejt maleve dhe tragetëve në liqenin e Komanit. Atje mund të merrni një udhëtim ditor ose një udhëtim në traget në pikën më të thellë të Fierzës. Ju mund të merrni edhe makinën tuaj në disa anije.
5. Vizitoni kështjellën në Kepin e Rodonit në perëndim të diellit. Ka një kështjellë të vogël të vendosur në gadishullin e Rodonit, si dhe plazhe të fshehura rreth e qark. Shijoni ditën tuaj duke notuar dhe duke u argëtuar në atë oaz mrekullie ende të paprekur nga dora e njeriut.
6. Numëroni bunkerët kur udhëtoni. Vlerësohet të ketë rreth 160,000 bunkerë në vend. Askush nuk e di numrin e saktë, por diktatori komunist i ndërtoi ato për t’u mbrojtur nga ndonjë pushtim i huaj që kurrë nuk ka ndodhur.
7. Merrni rrugën më pak të përshkuar. Ka shumë rrugë të vjetra që nuk janë të asfaltuara, por janë me gurë. Rruga më e shkurtër nuk është gjithmonë më e shpejta, por nëse keni kohë, shkoni jashtë rrugës së rregulluar dhe gjeni diçka të harruar nga koha. Mund të jetë një monument i epokës së fundit ose një rrugë (pak) e rindërtuar osmane. Ju nuk keni si ta dini nëse nuk i provoni.

/InCity